નડિયાદઃ કોરોના મહામારી ચાલી રહી છે. ત્યારે લોકો ભારે મુશ્કેલીઓનો સામનો કરી રહ્યા છે. આવા સમયે કેટલીક હોસ્પિટલો દ્વારા માનવતાને નેવે મુકવાની ઘટનાઓ બહાર આવી રહી છે. જે સાથે જ માનવતા મહેકાવે તેવા કિસ્સાઓ પણ સામે આવી રહ્યા છે. આવો જ એક કિસ્સો નડીયાદમાં જોવા મળ્યો છે. જેમાં કોરોનાની સારવાર મેળવી કોરોનાને માત આપનાર એક સગર્ભા મહિલાને શહેરની ખાનગી હોસ્પિટલોએ દાખલ કરવાની ના પાડી દીધી હતી. જે બાબતે નડિયાદના ધારાસભ્ય અને વિધાનસભાના મુખ્ય દંડક પંકજ દેસાઈને જાણ કરતા તેઓએ નડીયાદ સિવિલ હોસ્પિટલમાં મહિલાને દાખલ કરાવી હતી.જ્યાં સગર્ભાને નોર્મલ ડિલિવરી થતાં અને સારવાર મળતા પરિવારજનોએ રાહત અનુભવી હતી.
નડિયાદની ખાનગી હોસ્પિટલે સગર્ભા મહિલાને દાખલ ન કરતા વિધાનસભાના દંડક આવ્યા વ્હારે