ખેડામાં ચૂંટણી સમયે જ ચીફ ઓફિસર ન હોવાથી ઉમેદવારો દાખલા વગર અટવાયા

ખેડા જિલ્લાની ઠાસરા નગરપાલિકાના ચીફ ઓફિસર વગર નગરજનોને હાલાકીનો સામનો કરવો પડી રહ્યો છે. ઠાસરા નગરપાલિકાની ચૂંટણી સમયે જ ચીફ ઓફિસર વગર કામગીરી અટવાઈ જવા પામી છે. કપડવંજ નગરપાલિકાના ચીફ ઓફિસરને ચાર્જ સોંપવામાં આવ્યો છે, પરંતુ તે ચીફ ઓફિસર પણ હાજર ન રહેતા હોવાથી નગરપાલિકાના મહત્વના કામો અટકી પડ્યા છે.

• ચીફ ઓફિસર વગર નગરજનોને કરવો પડે છે હાલાકીનો સામનો
• યાદી પ્રસિદ્ધ થઈ શકી નથી
• દાખલા વગર ઉમેદવારો અટવાયા

ખેડા: ઠાસરા નગરપાલિકાની ચૂંટણી યોજાવાની છે. જેમાં ઉમેદવારી માટે દાખલા મેળવવા ઉમેદવારો અટવાયા છે. જે રોજ નગર પાલિકાની કચેરીના ધક્કા ખાઈ રહ્યા છે. ચીફ ઓફિસરની ગેરહાજરીને પગલે નગરજનોના દાખલા સહિતના અનેક કામો અટવાયા છે. આ સાથે જ નગરપાલિકાની રોજીંદી કામગીરી પણ અટકી પડી છે. આવી અનેક મુશ્કેલીઓ નગરજનો છેલ્લા કેટલાક દિવસોથી અનુભવી રહ્યા છે.

ઉચ્ચ અધિકારીઓને કરાઈ રજૂઆત

ઠાસરા નગરપાલિકામાં ચીફ ઓફિસર વગર ચૂંટણીના તેમજ પ્રજાલક્ષી કામો ન થતા હોવાથી નગરપાલિકા પ્રમુખ દ્વારા કલેક્ટર સહિત ઉચ્ચ કક્ષાના અધિકારીઓને લેખિત રજૂઆત કરવામાં આવી છેે.

ચીફ ઓફિસર ન હોઇ ઉમેદવારો દાખલા વિના અટવાયા