ડાકોરમાં બસ સ્ટેશન સર્કલ પાસે રસ્તો પસાર કરી રહેલા એક દિવ્યાંગ ભિક્ષુકને બેફિકરાઈથી ટ્રક હંકારતા ટ્રકની અડફેટે લેતા ભિક્ષુકનું ઘટના સ્થળ પર જ કરૂણ મોત નીપજ્યું હતું. ટ્રાફિક પોલીસની હાજરીમાં જ ટ્રક ચાલક ભિક્ષુકનું મોત નિપજાવી ફરાર થઇ ગયો હતો. જેને લઇ લોકોમાં ભારે રોષ ફેલાયો હતો.
બેફામ ટ્રક ચાલકે દિવ્યાંગ ભિક્ષુકનો લીધો ભોગ
ખેડાઃ યાત્રાધામ ડાકોરમાં ટ્રકે દિવ્યાંગ ભિક્ષુકને અડફેટે લેતા તેનુ કરૂણ મોત નીપજ્યું હતું. ટ્રાફિક પોલીસની હાજરીમાં મોત નિપજાવી ટ્રક ચાલક ફરાર થઇ જતા લોકોમાં ભારે રોષ ફેલાયો હતો.
સ્પોટ ફોટો
બસ સ્ટેશન સર્કલ અમદાવાદ ઇન્દોર હાઇવે પર ટ્રાફિક પોલીસ ચોકી છે. જ્યાં ટ્રાફિક પોલીસ કાયમ હાજર હોય છે, પરંતુ તેમ છતાં અહીં વારંવાર જીવલેણ અકસ્માતો સર્જાય છે. મહત્વનું છે કે ટ્રાફિક ચોકી હોવા છતા આ સ્થળે અવારનવાર જીવલેણ અકસ્માતો સર્જાય છે. ત્યારે ટ્રાફિક પોલીસની કામગીરીને લઇ લોકોમાં અસંતોષ ફેલાવા પામ્યો છે.