- વિધાનસભાના મુખ્ય દંડકના પરિવાર દ્વારા 20 લાખની સહાય
- વિધાનસભાના મુખ્ય દંડક દ્વારા કુલ રૂપિયા 25 લાખની ગ્રાન્ટ ફાળવાઈ
- સાંસદ દ્વારા કુલ રૂપિયા 35 લાખની ગ્રાન્ટ ફાળવાઈ
ખેડાઃ કોરોના મહામારીના કપરા સમયમાં ખેડા જિલ્લાના દર્દીઓને બચાવવા ઓક્સિજનની તાતી જરૂરિયાત છે. જેને લઈ ઓક્સિજન સુવિધા વધારવા તેમજ નવી સુવિધા ઉપલબ્ધ બનાવવા તંત્ર સાથે મળી આગેવાનો દ્વારા પ્રયાસો હાથ ધરાયા છે.
આ પણ વાંચોઃ ખેડામાં ભાજપ દ્વારા પોર્ટેબલ ઓક્સિજન કન્સન્ટ્રેટર અર્પણ કરાયા
મહાગુજરાત હોસ્પિટલ ખાતે વધુ એક ઓક્સિજન પ્લાન્ટ કાર્યરત થશે
નડિયાદ મહાગુજરાત હોસ્પિટલમાં 150 જેટલા ઓક્સિજન બેડને પૂરતા પ્રમાણમાં ઓક્સિજન મળી રહે તે માટે વધુ એક ઓક્સિજન પ્લાન્ટને કાર્યરત કરવા માટે મુખ્ય દંડક પંકજ દેસાઈના પરિવાર તરફથી રૂપિયા 20 લાખ તથા ખેડા સાંસદ દેવુસિંહજી દ્વારા તેમની ગ્રાન્ટ માંથી રૂપિયા 20 લાખ તથા અન્ય સામાજિક સંસ્થાઓ, અનેકવિધ મદદકર્તા દાનવીરોની સહાયથી રૂપિયા 20 લાખ મળી કુલ રૂપિયા 60 લાખની રકમ મહાગુજરાત હોસ્પિટલના સંચાલકોને અર્પણ કરવામાં આવી છે.
એન.ડી.દેસાઈ હોસ્પિટલ ખાતે ઓક્સિજન સ્ટોરેજ માટે ગ્રાન્ટ
એન.ડી.દેસાઈ હોસ્પિટલ નડિયાદ ખાતે 175 ઓક્સિજનની સુવિધા ધરાવતા બેડ માટે ઉભી થનારી ઓક્સિજન સ્ટોરેજ ટેન્ક માટે હોસ્પિટલના સંચાલકોની માંગણીના સંદર્ભે મુખ્ય દંડક પંકજ દેસાઈએ પોતાની ગ્રાન્ટ માંથી રૂપિયા 25 લાખ તથા અને ખેડા સાંસદ દેવુસિંહજીએ રૂપિયા 15 લાખ પોતાની ગ્રાન્ટમાંથી તાત્કાલિક અસરથી ફાળવણી કરી છે.
