કેશોદની SBI શાખા દ્વારા ટાઉન હોલ મીટિંગ યોજાઈ

જૂનાગઢઃ SBI બેંક દ્વારા દર વર્ષે ટાઉન હોલ મીટિંગનું આયોજન કરવામાં આવે છે. જે અનુસંધાને કેશોદ એસબીઆઈ શાખા દ્વારા ટાઉન હોલ મિટિંગનું આયોજન કરવામાં આવ્યું હતું. જેમાં SBIના પ્રતિષ્ઠિત ગ્રાહકો, ફિક્સ ડીપોઝીટરો,બેન્કનો સ્ટાફ ઉપસ્થિત રહ્યો હતો. SBI બેન્ક તરફથી ગ્રાહકોને આપવામાં આવતી સુવિધાઓ ગ્રાહકોને પુરતી સેવાઓ આપવામાં હંમેશા તત્પર રહેતી એસબીઆઈની જૂદી-જૂદી યોજનાઓની ગ્રાહકોને માહિતી આપવામાં આવી હતી.

SBIના કર્મચારીઓ સમક્ષ ગ્રાહકોએ સુચનો રજૂઆતો કરેલા હતા. જે સુચનો રજૂઆતો SBI કર્મચારીઓએ સાંભળી સુચનો આવકાર્યા હતા અને રજૂઆતોના નિરાકરણની ખાતરી આપવામાં આવી હતી અને ગ્રાહકોને બેન્કની ઝડપી સેવા માટે વધુમાં વધુ ડિજિટલ ટેકનોલોજીની સુવિધાઓનો લાભ લેવા કેશોદ SBI બ્રાન્ચ મેનેજર ચૌહાણ સાહેબે જણાવ્યું હતું.