શહેરના રેલવે સ્ટેશન પર ક્રાઈમ બ્રાંચ ઓફિસનીસામે આવેલા પેટ્રોલ પંપમાં બે યુવાનો પર ત્રણથી ચાર ઈસમોએ ધારદાર હથિયાર અને બંદૂક સાથે આવીને તૂટી પડ્યા હતા. જેમાં મહેબૂબ હનીફ સુમરાનું ઘટના સ્થળે જ મોત નીપજ્યું હતું, જ્યારે અન્ય એક યુવાન જિશાન હનીફ અમરેલિયાને ગંભીર ઈજાઓ પહોંચી હતી. જેને સારવાર અર્થે હોસ્પિટલમાં ખસેડવામાં આવ્યો હતો.
જૂનાગઢમાં સરાજાહેર યુવાનની હત્યા, આરોપીઓની અટકાયત
જૂનાગઢ: શહેરમાં રેલવે સ્ટેશન નજીક આવેલા પેટ્રોલ પંપમાં યુવાનની નિર્મમ હત્યા થયાની ઘટના સામે આવી છે. આ ઘટનામાં ત્રણ જેટલા ઈસમો ધારદાર હથિયાર તેમજ બંદૂક સાથે તૂટી પડતા મહેબૂબ હનીફ સુમરાનું મોત થયું હતું. મહત્વનું એ છે કે, હત્યા કરીને ફરાર આરોપીઓને પકડી પાડવામાં પોલીસને સફળતા મળી હતી.
સ્પોટ ફોટો
આ ઘટનાની જાણ પોલીસને થતા પોલીસ કાફલો ઘટનાસ્થળે પહોંચ્યો હતો. ત્યારબાદ આ ઘટનામાં સંડોવાયેલા ત્રણ જેટલા આરોપીને પકડી પાડવામાં આવ્યા હતા. આ અંગે પોલીસ દ્વારા વધુ કાર્યવાહી હાથ ધરવામાં આવી છે.