મહા શિવરાત્રીનો મેળો અંતિમ ચરણ તરફ, લાખોની સંખ્યામાં યાત્રિકો રહ્યા ઉપસ્થિત

ભવનાથમાં આયોજિત મહા શિવરાત્રી મેળામાં લાખોની સંખ્યામાં માનવ મહેરામણ ઉમટી રહ્યું છે. જેની વચ્ચે કથાકાર મોરારિબાપુએ સોનાપુરથી ભવનાથ પ્રવેશદ્વાર સુધીના માર્ગને ભજનીક પ્રાણલાલ વ્યાસ નામકરણ વિધિ કરીને માર્ગની નામકરણ વિધિ પૂર્ણ કરી હતી.

જૂનાગઢઃ ભવનાથમાં આયોજિત મહા શિવરાત્રી મેળો હવે તેના અંતિમ ચરણ તરફ આગળ વધી રહ્યો છે. ત્યારે રામાયણ કથાકાર મોરારીબાપુના હસ્તે સોનાપુરથી ભવનાથ પ્રવેશદ્વાર સુધીના માર્ગને ભજનીક પ્રાણલાલ વ્યાસ માર્ગ નામકરણ વિધિને પૂર્ણ કરી હતી. ભવનાથના મેળામાં અત્યાર સુધીમાં અંદાજિત 3થી 4 લાખ જેટલા યાત્રિકોએ મેળાની મુલાકાત લીધી હતી. ત્યારે યાત્રિકોનો પ્રવાહ ભવનાથ તળેટી તરફ આગળ વધી રહ્યો છે.

ભવનાથમાં આયોજિત પરિક્રમા અને મહા શિવરાત્રી મેળામાં લાખોની સંખ્યામાં યાત્રિકો ઉપસ્થિત રહેતા હોય છે. ગત વર્ષે પણ અંદાજિત 8થી 10 લાખ જેટલા યાત્રિકો મેળા દરમિયાન ઉપસ્થિત રહ્યા હોવાનો અંદાજ આવ્યો હતો. ત્યારે અત્યાર સુધીમાં જૂનાગઢમાં કુલ ચાર લાખ કરતાં વધુ યાત્રિકો મેળાની મુલાકાત લઈ ચૂક્યા છે. હવે જ્યારે આગામી 48 કલાકમાં લાખોની સંખ્યામાં યાત્રિકો ભવનાથમાં આયોજિત મહા શિવરાત્રી મેળાની મુલાકાત લઈને ભવનુ ભાથું બાંધતા નજરે ચડ્યા હતા.