જેતપુર ખાતે ખાતર કૌભાંડ થયા બાદ પૂરા ગુજરાતમાં ખાતર કૌભાંડ સામે આવે તેવી શક્યતા છે. ત્યારે કેશોદ ખાતે પણ ખાતરોની થેલીઓમાં ઓછું ખાતર નીકળતા ખેડૂતોએ હોબાળો મચાવ્યો હતો. સાથે જ જૂનાગઢ અને ગાર સોમનાથમાં ખેતી આધારિત જિલ્લાઓમાં ખેડૂતો ખેતી પર આધારિત હોવાથી મગફળી કૌભાંડ તેમજ તુવેર કૌભાંડ અને હવે ખાતર કૌભાંડ સામે આવતા ખેડૂતોને છેતરાયા હોવાનો અનુભવ થાય છે.
આ બાબતે ખાતર ડેપો હેડ દ્વારા પંચરોજ કામ કરીને કારણદર્શક નોટીસ આપી સેમ્પલ લઈને નિયમાનુસાર કાર્યવાહી કરીશું તેવું જણાવાયું હતું. અત્રે ઉલ્લેખનીય છે કે, કેશોદમાં અગાઉ મગફળી કૌભાંડ બહાર આવ્યું હતું, ત્યાર બાદ તુવેર કૌભાંડ બહાર આવ્યું હતું અને હાલમાં ખેડુતોને જરૂરી ખાતરનીબોરીઓમાં ઓછાં વજનનું કૌભાંડ બહાર આવ્યું છે. ત્યારે અગાઉના કૌભાંડમાં ભીનું સંકેલાઈ ગયું હોવાનું લોકોમાં ચર્ચાઈ રહ્યું છે. ત્યારે ખાતરની થેલીના ઓછા વજનનું કૌભાંડમાં પણ ભીનું સંકેલાઈ જશે કે જવાબદારો સામે કાનૂની પગલાં લેવામા આવશે તે જોવાનું રહ્યું.
