જૂનાગઢ: જિલ્લાના માંગરોળ બંદર જેટી પર ગઈકાલે રાત્રે અચાનક આગ લાગી હતી. પ્રાપ્ત માહિતી મુજબ ઝમઝમ નામની બોટ ઓખા બેટમાં કોલમ બીમ સાથે અથડાઈ જતા ક્ષતિગ્રસ્ત થઈ હતી. તેના રીપેરીંગ કામ માટે આ બોટ માંગરોળ બંદરની ગોદી કાંઠે રાખવામાં આવી હતી. આ બોટમાં રવિવારે મોડી રાત્રે અચાનક આગ ભભૂકી ઉઠતા ખલાસીઓ જાન બચાવવા કૂંદ્યા હતા. તેમજ ખલાસીઓ દ્વારા તાત્કાલિક બોટ માલિકને જાણ કરવામાં આવી હતી. બોટ માલિક દ્વારા લઘુમતી સમાજના આગેવાનોને જાણ કરવામાં આવતા તેઓ ઘટના સ્થળે પહોંચ્યા હતા. જ્યાં પાલિકાના ફાયરબ્રિગેડ તેમજ ખારવા અને મુસ્લિમ સમાજના યુવાનો અને આગેવાનો દ્વારા આગને બુઝાવવાની કોશિશ કરવામાં આવી હતી.
જૂનાગઢ માંગરોળ બંદર પર મધરાત્રે બોટ સળગી જતા અનેક તર્ક વિતર્ક