જામનગરના વિભાપરમાં ભૂગર્ભ ગટરની કામગીરીમાં ભ્રષ્ટાચારનો ગ્રામજનોનો આક્ષેપ

જામનગરનું વિભાપર ગામમાં ભૂગર્ભ ગટરની કામગીરીમાં ભ્રષ્ટાચાર થયો હોવાનું ગ્રામજનો આક્ષેપ કરી રહ્યા છે. કામગીરીમાં હલકું મટીરીયલ વાપરવામાં આવ્યું છે ત્યારે સરપંજ અને તલાટી કમ મંત્રી ઉડાઉ જવાબ આપતા ગ્રામજનોમાં ભારે રોષ જોવા મળી રહ્યો છે. આદમી પાર્ટીએ જનતારેડ કરી છે. સાથે આગામી દિવસોમાં યોગ્ય કામ કરવામાં નહીં આવે તો આંદોલની ચીમકી પણ ઉચ્ચારી છે.

• વિભાપર ગામમાં ભૂગર્ભ ગટરની કામગીરીમાં ભ્રષ્ટાચાર થયાનો ગ્રામજનોનો આક્ષેપ
• કામગીરીમાં હલકું મટીરીયલ વાપરવામાં આવ્યું
• આમ આદમી પાર્ટીએ કરી જનતારેડ

જામનગરઃ જામનગરથી ત્રણ કિલોમીટર દૂર આવેલુ વિભાપર ગામમાં હાલ વિકાસકાર્યો શરૂ કરવામાં આવ્યા છે. ત્યારે ભૂગર્ભ ગટરની કામગીરીથી ગ્રામજનોમાં અસંતોષ જોવા મળી રહ્યો છે. કારણકે જે દિશામાં પાણી વહેતુ હોય છે તેની વિરુદ્ધ દિશામાં લઇ જવામાં આવ્યું છે. વિભાપર ગામ પાસેથી જ નદી નીકળતી હોવા છતાં અન્ય જગ્યાએ ભૂગર્ભ ગટરનું પાણી લઈ જવાનો પ્લાન બનાવવામાં આવ્યો છે.

સરપંચ અને તલાટી કમ મંત્રી જવાબ ન આપતા ગ્રામજનોમાં ભારે રોષ

વિભાપર ગામના RTI એક્ટિવિસ્ટ દ્વારા હાલ જે ભૂગર્ભ ગટરની કામગીરી ચાલી રહી છે તેના વિશે RTI કરતા છેલ્લા ત્રણ મહિનાથી હજુ સુધી તેમને એક પણ જવાબ આપવામાં આવ્યો નથી. સરપંચ અને તલાટી કમ મંત્રી ઉડાઉ જવાબ આપતા ગ્રામજનોમાં ભારે રોષ જોવા મળી રહ્યો છે.

હલકું મટીરીયલ વાપરવામાં આવ્યું

ભૂગર્ભ ગટરમાં જે મટીરીયલ વાપરવામાં આવ્યું છે તે પણ નબળી કક્ષાનું હોવાનું બહાર આવ્યું છે. તો અનેક જગ્યાએ માત્ર ભૂગર્ભ ગટરના પોપડા લગાવવામાં આવ્યા છે પણ અંદર ભૂગર્ભ ગટર છે જ નહીં.

ગ્રામજનો આક્ષેપ

સાથે સાથે ગ્રામજનો આક્ષેપ લગાવી રહ્યા છે કે વિભાપર ગ્રામ પંચાયતની જે ગ્રાન્ટ મળતી હોય છે તેમાંની મોટાભાગની ગ્રાન્ટ મહાનગરપાલિકાની કામગીરીમાં વાપરવામાં આવે છે જેના કારણે વિભાપર ગામનો વિકાસ થઇ શકતો નથી. વિભાપર ગામના સરપંચ મીડિયા સામે આવતા નથી. વિભાપર ગામમાં ભૂગર્ભ ગટરની કામગીરીમાં જે પ્રકારની ગેરરીતિ થઇ છે. તેની વિજીલન્સ તપાસની માગ ગ્રામજનો કરી રહ્યા છે.

આમ આદમી પાર્ટીએ કરી જનતારેડ

આમ આદમી પાર્ટીના કાર્યકરોએ જનતા રેડ કરી હતી અને આગામી દિવસોમાં યોગ્ય કામગીરી કરવામાં અહીં આવે તો આમ આદમી પાર્ટી વિભાપર ગામમાં આંદોલન કરશે.