જામનગરમાં સતત બીજા દિવસે સાંસદ પૂનમ માડમનો રોડ શો

જામનગરઃ સાંસદ પૂનમ માડમ દ્વારા સતત બીજા દિવસે રોડ શો યોજવામાં આવ્યો હતો. આ રોડ શોમાં સાંસદ પૂનમ માડમના પરિજનો પણ જોડાયા હતા. અન્ન અને પુરવઠા પ્રધાન હકુભા જાડેજા પણ આ રોડ શોમાં સામેલ થયા હતા. મોટી સંખ્યામાં બાઈક સવારો પણ રોડ શો જોડાયા હતા.

ચૂંટણી પ્રચારના પડઘમ શાંત થાય તે પહેલાં જામનગર શહેરમાં રોડ શો યોજવામાં આવ્યો હતો. શનિવારે પણ સાંસદ પૂનમ માડમએ જામનગરના વિવિધ વિસ્તારમાં રોડ શો યોજાયો હતો. તો કોંગ્રેસના ઉમેદવાર મુળુભાઇ કંડોરીયા પણ રોડ શો યોજી લોકોને મત આપવા માટે અપીલ કરી હતી.

મહત્વનું છે કે, સાંજે 6 વાગ્યા સુધીમાં ચૂંટણીના પડઘમ શાંત થઈ જશે. ત્યારે નેતાઓ ડોર ટુ ડોર પ્રચાર કરી શકશે. જામનગર લોકસભા બેઠક પર ચૂંટણી પહેલા જાજરમાન રોડ શો સાંસદ દ્વારા યોજવામાં આવ્યો હતો.ચૂંટણી પ્રચારના પડઘમ સાંજે શાંત થઇ જતા રાજકીય નેતાઓ હવે સોશિયલ મીડિયાના સહારે પણ લોકો સુધી પહોંચવા માટે પ્રયત્ન કરવા લાગ્યા છે. ખાસ કરીને ફેસબુક અને વોટ્સએપના મારફતે મતદારોને રિઝવવા માટે પ્રયત્ન કરવામાં આવી રહ્યા છે.