જામનગરમાં બિનઅધિકૃત મીઠાના અગરોને લઈને ગ્રામજનોનો વિરોધ

જામનગર:જિલ્લાના જોડિયા તાલુકાના કેશીયા ગામમાં સમગ્ર ગ્રામવાસીઓએ એકત્ર થઇ અને ગામ પાસે આવેલા બિનઅધિકૃત મીઠાના અગરોને લઈને વિરોધ કર્યો હતો.

મળતી માહીતી મુજબ જામ સાહેબના સમયમાં પ્રોટેક્શન દિવાલ ઉભી કરવામાં આવી હતી પરંતુ આ દિવાલ તોડી ત્યાં મીઠાના અગરો ઉભા કરવામાં આવ્યા હતા. લીઝ પુરી થઈ જતા પણ બિનઅધિકૃત રીતે આ અગરો ચલાવવામાં આવી રહ્યો હતો ત્યારે કાલાવડ ના ધારાસભ્ય પ્રવીણ મુછડીયા દ્વારા આક્ષેપો લગાડવામાં આવ્યા હતા.

આ અગરોના પાણી આસપાસના આવેલા ખેતીની જમીનમાં વહી જતા ખેતી લાયક જમીન બરબાદ થતા ગ્રામજનોમાં રોષ જોવા મળ્યો હતો. આ મીઠાના અગરના કારણે ખેતરમાં ખરાસ વાળુ પાણી જવાથી ખેતીની જમીનો બરબાદ થઈ રહી હતી તેવા ગ્રામજનો દ્વારા આક્ષેપો લગાડવામાં આવ્યા હતા.