જામનગરમાં ડમ્પિંગ સાઈટ પાસેના ખેતરો થયા બરબાદ, પ્લાસ્ટિકના કારણે વાવેતર ફેલ

જામનગર મહાનગરપાલિકા દ્વારા ખુલ્લામાં કચરાના ઠગલા કરવામાં આવતા વિભાપર ગામના ખેડૂતોના ખેતરો બરબાદ થઈ ગયા છે. શુક્રવાર રોજ વિભાપર ગામના ખેડૂતોએ મહાનગરપાલિકાની કચરાની 25 જેટલી ગાડીઓ રોકી વિરોધ કર્યો છે.

જામનગરઃ ચોમાસાની સિઝનમાં આમ તો વિભાપર ગામના ખેડૂતો પોતાની જમીનમાં વાવેતર કરતા હોય છે, જોકે આ વખતે ત્રણ-ત્રણ વખત વાવેતર કર્યું હોવા છતાં પણ વાવેતર ઊગ્યું નથી. ડમ્પિંગ સાઇટના કચરામાંથી ખેડૂતોના ખેતરોમાં પ્લાસ્ટિક મોટા પ્રમાણમાં આવી જતા ખેડૂતો મુશ્કેલીમાં મુકાયા છે.

જામનગરમાં ડમ્પિંગ સાઈડ પાસેના ખેતરો થયા બરબાદ, પ્લાસ્ટિકના કારણે વાવેતર ફેલ

ખેડૂતોએ અવાર-નવાર લેખિત તેમજ મૌખિક રજૂઆત કરી હોવા છતાં પણ કોઈ સમસ્યાનો ઉકેલ ન આવતા આજરોજ મહાનગરપાલિકાની કચરો ઠાલવવાની તમામ ગાડીઓને રોકી વિરોધ કર્યો છે. ડમ્પિંગ સાઇટ આજુબાજુના તમામ ખેતરોમાં પુષ્કળ પ્રમાણમાં પ્લાસ્ટિક જોવા મળી રહ્યું છે. પ્લાસ્ટિકના કારણે જમીનો બગડી રહી છે, તેમજ પાક પણ લઇ શકાતો નથી.