જામનગર : જામનગર શહેરમાં સગીરા સાથે દુષ્કર્મ આચર્યું હોવાની પોલીસ ફરિયાદ નોંધાઇ છે. સગીરા પર એક શખ્સે દુષ્કર્મ આચર્યું હતું. સગીરા કરીયાણું લેવા જતી હતી એ સમયે ઘટના બની હતી. ભોગ બનનાર સગીર હોવા છતાં તેને રસ્તામાંથી અવાવરૂ જગ્યાએ લઈ જઈ તેની ઈચ્છા વિરુદ્ધ દુષ્કર્મ આચર્યું છે.
પ્રેમીને મળવા ગઇ હતી સગીરા મળતી વિગતો અનુસાર આ યુવતી જામનગરના ખોડીયાર કોલોની વિસ્તારમાં પોતાના પ્રેમીને મળવા આવી હતી. જો કે પ્રેમીને મળી શકી ન હતી અને યુવતી બાલાચડી ખાતે એક રીક્ષાચાલક સાથે પહોંચી ગઈ હતી. આ રીક્ષા ચાલકે તેની એક સ્ત્રી મિત્ર સાથે યુવતીને મેળવી હતી અને ત્યારબાદ દુષ્કર્મમાં આચર્યું હોવાનું પોલીસ ફરિયાદમાં નોંધાયું છે. હાલ સમગ્ર મામલે પોલીસે તપાસનો દોર ચાલુ કર્યો છે હજુ પણ દુષ્કર્મ કેસમાં અન્ય શખ્સોની સડોવણી છે કે નહીં તે પોલીસ તપાસમાં બહાર આવશે.
આરોપી મહેબૂબ હનીફ ગજીયા : સગીરાની ઈચ્છા વિરુદ્ધ આરોપીએ શારીરિક છેડછાડ તથા દુષ્કર્મ કરી ગુનો આચાર્યો હતો. વાઘેરવાડા વિસ્તારમાં રહેતા શખ્સ સામે સીટી એ ડિવિઝનમાં ગુનો નોંધાયો છે. વાઘેરવાડામાં રહેતા મહેબૂબ હનીફ ગજીયા નામના વાઘેર શખ્સ સામે સગીરાના વાલીએ ફરિયાદ નોંધાવી છે. જેને લઇને સિટી એ ડિવિઝન પોલીસે સમગ્ર મામલે વધુ તપાસ હાથ ધરી છે.પોલીસે આરોપી મહેબૂબ હનીફ ગજીયાને પકડવાના ચક્રો ગતિમાન કર્યાં છે.