જામનગરઃ શહેર જિલ્લા કોંગ્રેસ તથા NSUI દ્વારા શુક્રવારના રોજ મહાત્મા ગાંધીજયંતી તથા પૂર્વ વડાપ્રધાન લાલબહાદુર શાસ્ત્રીની જન્મજયંતી નિમિતે જામનગર કોંગ્રેસ દ્વારા કિશાન-મજૂર બચાવ દિવસ ઉજવવામાં આવ્યો હતો. આ અંર્તગત ખેડૂતોના સમર્થનમાં તથા શૈક્ષણિક ફી માફીની માંગણી સાથે જિલ્લા કોંગ્રેસ કાર્યાલયથી રેલી યોજી અને ટાઉનહોલ ખાતે મહાત્મા ગાંધીની પ્રતિમાને પુષ્પાંજલિ અર્પણ કરી હતી.
કોંગ્રેસ આગેવાને ભાજપ સરકારની ભષ્ટ્રાચારી નિતિ સામે આક્ષેપ કરતા જણાવ્યું હતું કે, ખેડૂતો અને આમ જનતા ત્રાહિમામ પોકારી ઉઠ્યા છે. તેના વિરુદ્ધમાં રેલી યોજી અને કિશાન મજૂર દિવસ તરીકે ઉજવી અને સંપૂર્ણ પણે 100 ટકા શૈક્ષણિક ફી માફ કરવાની માગ ઉઠાવી તથા પૂજ્ય બાપુની પ્રતિમાને પુષ્પાંજલિ અર્પણ કરી અને રાહુલ ગાંધી સાથે ઉત્તર પ્રદેશમાં જે અપમાન કરવામાં આવ્યું તેનો વિરોધ કરી અને જવાબદાર અધિકારીઓ વિરુદ્ધ કાયદાકીય કાર્યવાહી કરવામાં આવે તેવી માગ કરી હતી.