ગીરસોમનાથના સૈયદ રાજપરા નજીક 3 બોટની જળસમાધી

ગીરસોમનાથ: ઉનાના છેવાળાના સૈયદ-રાજપરા બંદરથી આશરે 25 નોટિકલ માઈલ દૂર ત્રણ બોટે જળસમાધી લીધી છે. આ તમામ બોટમાં કુલ 21 જેટલા ખલાસીઓ સવાર હતા. જેમાં 16 માછીમારને બોટ દ્વારા સહી સલામત બચાવી લેવાયા હતાં. તેમજ દુર્ભાગ્ય વશ 2 માછીમારો મૃત્યુ પામ્યા છે. જ્યારે બાકીના 3 ખલાસીઓની શોધખોળ અન્ય માછીમારો અને ગીરસોમનાથ મરીન પોલીસ દ્વારા ચલાવવામાં આવી રહી છે.

જિલ્લાના ઉના તાલુકાના છેવાળાના માછીમારી બંદર સૈયદ રાજપરાથી આશરે 25 નોટિકલ માઇલ દૂર 3 બોટએ જળસમાધી લીધી છે, ત્યારે આ ત્રણ બોટના કુલ 21 માછીમારો પૈકીના 16 માછીમારોને આસપાસની બોટ દ્વારા બચાવી લેવામાં આવ્યા છે. જ્યારે 5 માછીમારો દરિયામાં ગુમ થયા હતાં. જેમાંથી 2 માછીમારોના મૃતદેહ મળ્યાના સમાચાર મળી રહ્યા છે. માછીમારોની બોટ તેમજ ગીરસોમનાથ મરીન પોલીસ દ્વારા બાકીના માછીમારોને શોધવાના પ્રયત્ન કરાઇ રહ્યા છે.