ગીર સોમનાથમાં 60 વર્ષથી વધુ વયના સિનિયર સિટિઝનોને અપાઈ કોરોનાની વેક્સિન

સમગ્ર ગુજરાત રાજ્યમાં આજથી એટલે કે પહેલી માર્ચથી 60 વર્ષથી વધુ વયના સિનિયર સિટિઝનો માટે કોરોના વેક્સિનેશન અભિયાનની શરૂઆત કરી દેવાઈ છે. ગીર સોમનાથમાં પણ મુખ્ય મથક વેરાવળ સરકારી હોસ્પિટલમાં 45થી 59 વર્ષના કે જેઓ બીજી બીમારીથી પીડાતા હોય અને 60 વર્ષથી વધુ વયના સિનિયર સિટિઝનોને કોરોનાની વેક્સિન આપવામાં આવી હતી.

• ગીર સોમનાથ જિલ્લામાં 60 વર્ષની ઉંમરના લોકો માટે કોરોના વેક્સિનેશન શરૂ
• 45થી 59 વર્ષના લોકો કે જે ગંભીર બીમારીથી પીડાય છે તેમને પણ અપાઈ વેક્સિન
• ગીર સોમનાથમાં ખાનગી હોસ્પિટલોમાં રૂ. 250 ચૂકવ્યા બાદ જ કોરોનાની રસી મળશે

ગીર સોમનાથઃ સમગ્ર ગુજરાત રાજ્યમાં આજથી 60 વર્ષથી વધુ વયના સિનિયર સિટિઝનોને કોરોના વેક્સિન આપવાનું શરૂ થઈ ગયું છે. ત્યારે ગીર સોમનાથમાં પણ વડીલોને કોરોનાની વેક્સિન આપવામાં આવી છે. આ સાથે જ 45થી 59 વર્ષના લોકો કે જે ગંભીર બીમારીથી પીડાતા હોય તેવા લોકોને પણ કોરોનાની વેક્સિન આપવાનું શરૂ કરવામાં આવ્યું છે.

ગીર સોમનાથમાં ખાનગી હોસ્પિટલોમાં રૂ. 250 ચૂકવ્યા બાદ જ કોરોનાની રસી મળશે

કલેક્ટર અજયપ્રકાશે આજે કોરોનાની વેક્સિનનો બીજો ડોઝ લીધો

જિલ્લા કલેક્ટર અજય પ્રકાશે કોરોના વેક્સિનનો પ્રથમ ડોઝ લીધાના 28 દિવસ બાદ આજે સરકારી હોસ્પિટલ વેરાવળ ખાતે વેક્સિનનો બીજો ડોઝ લીધો હતો. તેમણે લોકોને સંદેશ આપતા જણાવ્યું હતું કે, આજથી ગીર સોમનાથ જિલ્લામાં ફ્રન્ટલાઈન કોરોના વોરિયર્સને કોરોના વેક્સિનનો બીજા ડોઝ આપવામાં આવી રહ્યો છે. વેક્સિનનો પ્રથમ ડોઝ લેનારે 28 દિવસ પૂર્ણ થયા હોય તેવા તમામ લોકોએ અચૂક બીજો ડોઝ લઈ કોરોનાથી રક્ષિત થવાના અભિયાનમાં સહભાગી થવું જોઈએ.

45થી 59 વર્ષના લોકો કે જે ગંભીર બીમારીથી પીડાય છે તેમને પણ અપાઈ વેક્સિન

સરકારી અને ખાનગી હોસ્પિટલોમાં કોરોનાની વેક્સિનનો જથ્થો યોગ્ય માત્રામાં

કલેક્ટરે વધુમાં કહ્યું કે, આજથી સમગ્ર રાજ્યની સાથે ગીર સોમનાથ જિલ્લામાં 60 કે તેથી વધુ વર્ષના વયોવૃધ્ધ લોકોને કોરોના પ્રતિરોધક રસી આપવાની શરૂઆત કરવામાં આવી છે. આ રસી જિલ્લાના વેરાવળ સરકારી હોસ્પિટલ, પીએચસી ધાવા (તાલાળા), સીએચસી સૂત્રાપાડા, પીએચસી ફુલકા (ગીરગઢડા), સબ સેન્ટર-2 કોડીનાર, અને પીએચસી. દેલવાડા (ઊના) ખાતે નિઃશુલ્ક તેમ જ વેરાવળની ખાનગી સાંગાણી હોસ્પિટલ, આદિત્યા બિરલા હોસ્પિટલ, આઈ.જી.મેમોરિયલ હોસ્પિટલ, કોડીનારની અંબુજા હોસ્પિટલ અને આર.એન.વાળા હોસ્પિટલ, ઉનાની નટરાજ હોસ્પિટલ અને જીવનજ્યોત સેવા સંઘ ખાતે રૂ. 250નો ચાર્જ લઈ પ્રથમ ડોઝની રસી આપી રક્ષિત કરવામાં આવશે.

ગીર સોમનાથમાં 60 વર્ષથી વધુ વયના સિનિયર સિટિઝનોને અપાઈ કોરોનાની વેક્સિન

વેક્સિનેશરોએ પોતાની ફરજ બજાવી

વેક્સિનેશન દરમિયાન જિલ્લા આરોગ્ય અધિકારી ડો. ભાયા, ડો. બામરોટિયા, ડો. નિમાવત, સુપરવાઈઝક મેહુલભાઈ સહિતના લોકો ઉપસ્થિત રહ્યા હતા. વેક્સિનેશર તરીકે મયુરી રૂપારિયા, રિના સોસા, હતેલ ચૌહાણ અને તૂપ્તી વાળાએ ફરજ બજાવી હતી.

ગીર સોમનાથ જિલ્લામાં 60 વર્ષની ઉંમરના લોકો માટે કોરોના વેક્સિનેશન શરૂ

કોરોનાના કપરા સમયમાં વહીવટીતંત્રએ ખૂબ સારી કામગીરી કરી છે: રમેશચંદ્ર ભટ્ટ

વેરાવળ સરકારી હોસ્પિટલ ખાતે આજે પ્રથમ તબક્કાની કોરોના વેક્સિન લેનારા વેરાવળના રહેવાસી 72 વર્ષીય રમેશચંદ્ર મણિલાલ ભટ્ટે જણાવ્યું હતું કે, કોરોનાના કપરા સમયમાં વહીવટી તંત્રએ ખૂબ સારી કામગીરી કરી હતી. આજે કલેકટર અજય પ્રકાશે અમારા આરોગ્યની ચિંતા કરી પૃચ્છા કરતા તેઓ ભાવવિભોર થયા હતા અને કલેકટરનો આભાર વ્યક્ત કર્યો હતો. હોસ્પિટલમાં ખૂબ સારી રીતે વેક્સિન આપી ઉપરાંત સવલત પણ સારી પૂરી પાડવામાં આવી હતી. વેરાવળ તાલુકાના ઉકડિયા ગામના 61 વર્ષના પૂંજા મેણસીભાઈ વાળા અને વેરાવળના 67 વર્ષના બાબુ સોમતભાઈ બારીયાને પ્રથમ ડોઝની વેક્સિન આપવામાં આવી હતી. વેક્સિન લેનારને કોઈપણ પ્રકારની આડ અસર થઈ ન હતી.