અગ્નિપથ યોજના માટે ગુજરાત સરકાર તૈયાર છે કે નહીં, ગૃહપ્રધાને આપ્યો જવાબ

કેન્દ્ર સરકારે આર્મી, નેવી અને એરફોર્સમાં (Agneepath Yojana) નવયુવાનોની નિમણૂક માટે અગ્નિપથ યોજનાની જાહેરાત કરી છે. ત્યારે રાજ્યના ગૃહપ્રધાન હર્ષ સંઘવીએ વડોદરામાંં આ અંગે મહત્વની (Agnipath Recruitment Scheme) જાહેરાત કરી હતી.

ગાંધીનગર:કેન્દ્ર સરકાર દ્વારા આર્મી નેવી અને એરપોર્ટમાં નવયુવાનો નિમણૂક માટે અગ્નિપથ યોજનાની જાહેરાત કરવામાં આવી છે. અગ્નિપથ યોજનાનો દેશના અનેક રાજ્યમાં વિરોધ થઈ રહ્યો છે. મધ્યપ્રદેશ અને ઉત્તર પ્રદેશ રાજ્ય તંત્ર દ્વારા 4 વર્ષ પૂર્ણ કરનારા જવાનોને પોલીસમાં ભરતી (Agnipath Recruitment Scheme)માટેની જગ્યા આપવાની જાહેરાત કરવામાં આવી કરી છે. રાજ્યના ગૃહપ્રધાન હર્ષ સંઘવીએ વડોદરામાંં મહત્વની જાહેરાત કરી હતી કે ગુજરાત સરકારમાં હજુ વિચારણા હેઠળ છે પણ ટૂંક સમયમાં આ બાબતે મહત્વની જાહેરાત કરવામાં આવશે.

આ પણ વાંચોઃબિહારમાં અગ્નિપથ યોજનાનો કરવામાં આવ્યો વિરોધ

શું કહ્યું હર્ષ સંઘવીએ -ઉત્તર પ્રદેશ અને મધ્યપ્રદેશ સરકાર દ્વારા સરકારી ભરતીમાં અગ્નિવિરોને પ્રાધાન્ય આપવામાં આવશે તે બાબતની જાહેરાત કરવામાં આવી છે. ગુજરાત સરકાર શું આયોજન કરશે આ બાબતને પ્રશ્નના જવાબમાં રાજ્યના ગૃહપ્રધાન હર્ષ સંઘવીએ નિવેદન આપ્યું હતું કે અગ્નિપથ યોજનાએ( Agneepath Yojana) નવા ભારતની સૌથી મહત્વની ઘટના છે. અગ્નિપથ યોદ્ધા કે લાખોની સંખ્યામાં યુવાનો અને નવી નોકરી મળવાની છે દેશની સેવા કામ કરવાનું એક નવું પ્લેટફોર્મ મળવાનું છે, આ યોજના તમામ રાજ્યો માટે એક નવી દિશા છે, ગુજરાત સરકારમાં આ બાબતે ચર્ચા વિચારણા થઈ રહી છે. આ બાબતે કેન્દ્ર સરકારની આ યોજના થકી વધુમાં વધુ યુવાઓને રોજગારી અને પ્લેટફોર્મ (agneepath yojana protest)મળતું હોય તો ગુજરાત પણ પાછું નહિ પડે, આ તમામ બાબતે સરકાર વિચારણા કરી રહી છે અને ટૂંક સમયમાં જાહેરાત કરવામાં આવશે.

રાજ્યમાં છેલ્લા 3 વર્ષમાં કેટલા લોકોની ભરતી થઈ -કેન્દ્ર સરકારના સંરક્ષણ પાર્ક જેવા કે આર્મી નેવી અને એરફોર્સના ગુજરાત રાજ્યમાં થયેલ ભરતીના આંકડાની વાત કરવામાં આવે( Agnipath scheme controversy)તો વર્ષ આર્મીમાં ગુજરાતમાંથી વર્ષ 2018માં કુલ 2176, 2019માં 980 અને વર્ષ 2020માં 1490 જવાનો ભરતી થઈ છે. જ્યારે એરફોર્સમાં વર્ષ 2018માં 19 વર્ષ 2019માં 94 અને વર્ષ 2020માં ફક્ત 8 જવાનો એરફોર્સમાં ભરતી થઈ હતી. નેવીમાં વર્ષ 2018માં 62, 2019માં 104 અને વર્ષ 2020માં 95 જવાનોની ભરતી કરાઈ હોવાનું રાજ્યસભામાં જાહેર થયું છે. જ્યારે સૌથી વધુ રાજસ્થાન અને ત્યારબાદ આંધ્રપ્રદેશ રાજ્યમાંથી આર્મી નેવી અને એરફોર્સનામાં સૌથી વધુ જવાનોના નિમણૂક થઈ છે.

આ પણ વાંચોઃબિહારમાં ત્રીજા દિવસે હિંસક થયું 'અગ્નિપથ' આંદોલન, લખીસરાય અને સમસ્તીપુરમાં લાગવી ટ્રેનોમાં આગ

ઓફિસર્સ નિમનુકમાં સુધારો થવો જોઈએ -નેવીના નિવૃત કર્મચારી મનન દવેએ ETV Bharat સાથેની ટેલિફોનિક વાતચીતમાં જણાવ્યું હતું કે કેન્દ્ર સરકાર દ્વારા જે અગ્નિપથ સ્કીમ જાહેર કરવામાં આવી છે. તેમાં નીચેના કેડરની ભરતીમાં સુધારો કર્યો છે પરંતુ ખરેખર જરૂરિયાત ઉપરી અધિકારીના નિમણૂકમાં સુધારો કરવો જરૂરી છે કે જ્યારે કેન્દ્ર સરકાર દ્વારા અગ્નિ વીરોના 25 ટકા અગ્નિ વીરોને કાયમી કરવાની વાત કરવામાં આવી છે. આ 25 ટકામાંથી અમુક ગણતરીના અગ્નિ વીરોને ઉપરી અધિકારી બનાવવામાં આવે તેવુ નિવેદન કરવામાં આવ્યું છે.