સુરતમાં અગ્નિકાંડ બાદ ગાંધીનગરનું સરકારી તંત્ર સફાળુ જાગ્યું, એક ખાનગી ક્લાસીસને સીલ કરાયું

ગાંધીનગરઃ સુરતમાં ટ્યુશન ક્લાસીસમાં કાળજું કંપાવી નાખે તેવી ઘટના બની હતી અને તેમાં 20 જેટલા વિદ્યાર્થીઓના મોત થયા હતા. જેને લઈને લોકોમાં રોષ જોવા મળી રહ્યો છે.

સુરતની ઘટનાને લઈને સરકારી તંત્રની પોલ ખુલી ગઈ છે, ત્યારે જેમ-તેમ સરકારી તંત્ર દ્વારા મંજૂરી આપી દેવાઈ છે તે પણ આ ઘટનાને લીધે સામે આવ્યું છે. આ ઘટનાને પગલે સમગ્ર ગુજરાતનું તંત્ર હરકતમાં આવ્યું છે અને દરેક જગ્યા ઉપર તંત્ર દ્વારા આવા ક્લાસીસો, સ્કૂલો અને હોસ્પિટલોમાં ફાયરની તપાસ કરવાના આદેશો આપવામાં આવ્યા છે. જેથી ગાંધીનગર ફાયર ટીમ દ્વારા સુચનો મુજબ તપાસ હાથ ધરતા આવા એક ક્લાસમાં ફાયરને લઈને કોઈ સામગ્રી ન મળતાં તેમજ જરૂર કરતા વધારે વાયરિંગ હોય તેવું પણ સામે આવ્યું હતું. જેને લઈને અત્યાર જ્યાં સુધી નવેસરથી તમામ પ્રકારની પરમિશન ન મળે અને તમામ સુવિધા કરવામાં ન આવે ત્યાં સુધી આ ક્લાસને સીલ કરી આગળની કાર્યવાહી હાથ ધરવામાં આવી છે.