ગેરકાયદેસર ઝીંગા ફાર્મને મુદ્દે વિધાનસભામાં રજૂઆત કરાઈ

ગુજરાત વિધાનસભાની અંદર રાજ્યની સરકારી જમીન પર બેફામ રીતે બની રહેલા ગેરકાયદેસર ઝીંગા ફાર્મનો મુદ્દો ઉઠાવવામાં આવ્યો હતો. જેને લઈ સરકારે સત્તાવાર રીતે ગૃહમાં જ તેનો સ્વીકાર કર્યો હતો.

ગાંધીનગરઃ ગુજરાત વિધાનસભાની અંદર રાજ્યની સરકારી જમીન પર બેફામ રીતે બની રહેલા ગેરકાયદેસર ઝીંગા ફાર્મને લઇ મુદ્દો ઉઠાવવામાં આવ્યો હતો. જે અંગે સરકારે સત્તાવાર રીતે ગૃહમાં જ તેનો સ્વીકાર કર્યો હતો. ત્યારે રાજ્યમાં 45 લાખ ચોરસ જમીન પર ધમધમતા ઝીંગા ફાર્મ અંગે ચર્ચા કરવામાં આવી હતી.

ઉલ્લેખનીય છે કે, ગૃહની અંદર મુદ્દો ઉઠાવતા જ સરકારની પોલ ખુલ્લી પડી ગઇ હતી. રાજ્યમાં ગેરકાયદેસર ઝીંગા ફાર્મ નવસારી ભરૂચ ભાવનગર આણંદ અને નર્મદા જેવા જિલ્લાઓમાં ધમધમી રહ્યા છે. નર્મદામાં સૌથી વધુ ચોરસ મીટરમાં ઝીંગા ફાર્મ ધમધમી રહ્યું છે. આંકડાકીય માહિતી પ્રમાણે જોઈએ તો નર્મદા જિલ્લામાં 28,26,591 ચોરસ મીટર જમીન પર ગેરકાયદેસર ઝીંગા ફાર્મ ધમધમી રહ્યાં છે.ક્યાં જિલ્લામાં કેટલી જમીન પર ગેરકાયદેસર ઝીંગા ફાર્મ ધમધમી રહ્યા છે.નવસારી - 10,000 ચો.મીભરૂચ - 7,34,538 ચો.મીભાવનગર - 1600 ચો.મીનર્મદા - 28,26,591 ચો.મીઆણંદ - 9,58,468 ચો.મીકુલ - 45,31,197 ચો.મી