ગાંધીનગર: રાજ્યના બંદરો અને વાહન વ્યવહાર વિભાગ દ્વારા જાહેરનામું પ્રસિદ્ધ કરતા પરિપત્રમાં રાજ્યના રિક્ષાચાલકોના યુનિફોર્મ નક્કી કરવામાં આવ્યો છે. રિક્ષાચાલકોના યુનિફોર્મ રિક્ષાચાલકે પહેરેલા કપડા ઉપર વાદળી કલરનો એપ્રોન નક્કી કરવામાં આવ્યો છે.
ઉલ્લેખનીય છે કે રાજ્યભરના રિક્ષાચાલકોના એસોસિએશન સાથે સરકારે બેઠક બાદ આ નિર્ણય કર્યો હોવાનું પણ વાત પરિપત્રોમાં સ્વીકારવામાં આવી છે. આમ, રાજ્યમાં તમામ રિક્ષાચાલકો હવે યુનિફોર્મમાં જોવા મળશે.
નોંધનીય છે કે રિક્ષાચાલકોના એક સરખા યુનિફોર્મના કારણે ગુજરાત સરકારના પ્રવાસન ક્ષેત્રે પણ ઘણી અસર જોવા મળશે. જ્યારે દેશના તમામ રાજ્યોમાં રિક્ષાચાલકો માટે યુનિફોર્મ નક્કી કરેલા છે, ત્યારે હવે ગુજરાતમાં પણ વાદળી કલરના એપ્રોન સાથે રિક્ષાચાલકો જોવા મળશે.