રાજ્યમાં માધ્યમિક શિક્ષણ બોર્ડ દ્વારા લેવાયેલી પરીક્ષાઓના પરિણામ જાહેર થતા મોટા ભાગની કૉલેજો અને યુનિવર્સિટીઓમાં પ્રવેશ પ્રક્રિયા શરુ થઈ ગઈ છે. આગામી 17 થી 23 જૂન દરમિયાન વિદ્યાર્થીઓ મેડિકલ પ્રવેશ માટે પીન નંબર મેળવી શકશે. રાજ્યસરકાર દ્વારા ગુજરાતમાં જન્મેલા અને ગુજરાતમાંથી જ ધોરણ 10 અને 12 પરીક્ષા પાસ કરનાર વિદ્યાર્થીઓ માટે મહત્વનો નિર્ણય લેવામાં આવ્યો છે. જ્યારે ગુજરાત બહારથી અને ધોરણ12 ગુજરાતમાંથી પાસ કર્યું હોય તેવા વિદ્યાર્થીઓ ડોમિસાઈલ સર્ટીફીકેટ ધરાવતા હોય તેમને આ વર્ષે પણ મેડિકલમાં પ્રવેશ માટે લાયક ગણવામાં આવશે તેમ રાજ્યના નાયબ મુખ્યપ્રધાન નીતિન પટેલે જણાવ્યું હતું.
દાદરા નગર હવેલીની મેડિકલ કૉલેજમાં પ્રવેશ મેળવવા ગુજરાતના વિદ્યાર્થીઓને ડૉમિશાઈલમાંથી મુક્તિ તેમણે આ અંગે વિસ્તૃત માહિતી આપતા કહ્યું કે, બિન અનામત વર્ગના વિદ્યાર્થીઓને ઉચ્ચ શિક્ષણ મળી રહે તે માટે કેન્દ્ર સરકાર દ્વારા 10 ટકા આર્થિક અનામત આપવાનો નિર્ણય લેવાયો છે, તેનો સૌપ્રથમ અમલ પણ ગુજરાતે કર્યો છે. હવે ગુજરાતના બિનઅનામત વર્ગનાં વિદ્યાર્થીઓને મેડીકલ શિક્ષણમાં પ્રવેશ અપાશે. દાદરા નગર હવેલી ખાતે સરકારી મેડીકલ કોલેજમાં 10 બેઠક ગુજરાતના વિદ્યાર્થીઓ માટે રિર્ઝવ રહેશે. રાજ્યમાં મેડિકલ પ્રવેશ માટે MBBS, BDS, BAMS, આર્યુવેદ, હોમિયોપેથી, નેચરોપેથી માટે ઓનલાઈન રજીસ્ટ્રેશનની કામગીરી આગામી 17 થી 23 જુુન દરમિયાન શરુ થશે.જેના પીન નંબર એક્સિસ બેંન્કમાંથી વિદ્યાર્થીઓને મળી શકશે. આ ઉપરાંત કેન્દ્રશાસિત પ્રદેશ દીવ-દમણ અને દાદર નગર હવેલીમાં મેડિકલમાં પ્રવેશ માટે ગુજરાતના વિદ્યાર્થીઓને ડૉમિશાઈલની ઝંઝટમાં પડવું પડશે નહીં. આ નિર્ણય વાલીઓની રજૂઆતોને ધ્યાનમાં લઈને લેવામાં આવ્યો છે. રાજ્ય સરકારના આ નિર્ણયનો લાભ આશરે 10,000 લોકોને મળશે. આ ઉપરાંત વિદ્યા આરોગ્ય વિભાગની એડમિશન કમિટી દ્નારા પણ ડૉમિસાઈલ સર્ટિફિકેટ લેવામાંથી મુક્તિ આપવામાં આવી છે.
