કલોલ સંપૂર્ણ બંધઃ હૉસ્પિટલો, દૂધ અને દવાની દુકાનો જ ખુલ્લી રહેશે

કલોલ શહેરમાં કોરોના સંક્રમણનું જોખમ વધી રહ્યું છે. એક જ પરિવારમાં અનેક લોકો સંક્રમિત થઈ રહ્યા હોય તેવા અનેક કેસ સામે આવી રહ્યા છે. ત્યારે આજે ગાંધીનગર કલેક્ટર દ્વારા કલોલ શહેરને સંપૂર્ણ બંધ કરવાનો નિર્ણય લેવામાં આવ્યો છે.

ગાંધીનગર: કલોલ શહેરમાં સતત વધી રહેલા કોરોના વાઇરસના કેસના પગલે તંત્ર દ્વારા સાવચેતીના ભાગરૂપે કલોલ શહેરને સંપૂર્ણ બંધ કરવાનો નિર્ણય લેવામાં આવ્યો છે. માત્ર હોસ્પિટલો, દૂધ અને દવાની દુકાનો જ ખુલ્લી રહેશે. જેનો અમલ આજે સાંજે 6 વાગ્યાથી શરૂ થશે. ગાંધીનગર જિલ્લામાં કોરોના વાઇરસના કેસનો આંકડો 111 ઉપર પહોંચ્યો છે. જેમાં કલોલથી પણ કેસ સામે આવ્યા છે. આજે શનિવારે પણ કલોલમાં એક સાથે 6 કેસ સામે આવ્યા છે. જેથી તંત્ર દ્વારા આ મહત્વપૂર્ણ નિર્ણય લેવાયો છે.