કોરોના સંક્રમણ વચ્ચે બોર્ડ દ્વારા પૂરક પરીક્ષાનું કેવું કરાયું આયોજન? જૂઓ ઈટીવીનો વિશેષ અહેવાલ

રાજ્યમાં ધોરણ 10 અને 12 ના બોર્ડની પરીક્ષામાં એક અથવા બે વિષયમાં નાપાસ થયેલા વિદ્યાર્થીઓની પુરક પરીક્ષાનું આયોજન બોર્ડ દ્વારા કરવામાં આવે છે, ત્યારે આ વર્ષે કોરોનાની પરિસ્થિતિને ધ્યાનમાં લઈને શિક્ષણ વિભાગ દ્વારા અલગથી આયોજન કરવામાં આવ્યું છે. વિદ્યાર્થીઓમાં કોરોના સંક્રમણ ન ફેલાય તે માટે બોર્ડ દ્વારા ખાસ પ્રકારનું આયોજન કરવામાં આવ્યું છે. જે અંગે ETVBharat ને શિક્ષણ બોર્ડના સચિવ ડી એસ પટેલે મહત્વની જાણકારી આપી હતી.

ગાંધીનગર: રાજ્યના શિક્ષણ બોર્ડના સચિવ ડી એસ પટેલે જણાવ્યું હતું કે, કોરોના સંક્રમણને ધ્યાનમાં લઈને શિક્ષણ બોર્ડ દ્વારા મહત્વનો નિર્ણય કરવામાં આવ્યો છે. પરીક્ષાનું આયોજન વિશેષ રૂપે કરવામાં આવ્યું છે. પરીક્ષા દરમિયાન કોઈપણ વિદ્યાર્થીઓમાં કોરોનાનું સંક્રમણ ન ફેલાય તે માટે જે સ્કૂલોમાં પરીક્ષાનું કેન્દ્ર રાખવામાં આવશે ત્યાં સેનેટાઈઝર, માસ્ક અને સોશિયલ ડિસ્ટન્સના નિયમોનું પાલન કરવામાં આવશે. આ ઉપરાંત દર વર્ષે પૂરક પરીક્ષામાં બ્લોક દીઠ ૩૦ જેટલા વિદ્યાર્થીઓ એક રૂમમાં પરીક્ષા આપતાં હોય છે પરંતુ કોરોના સંક્રમણને ધ્યાનમાં લઈને આ વર્ષે પૂરક પરીક્ષામાં ફક્ત એક બ્લોક દીઠ એક જ વિદ્યાર્થીઓ પરીક્ષા આપી શકશે. જ્યારે પરીક્ષાર્થીઓ માટે માસ્ક અને સેનેટાઈઝર ફરજિયાત બનાવવામાં આવશે.

કોરોના સંક્રમણ વચ્ચે બોર્ડ દ્વારા પૂરક પરીક્ષાનું કેવું કરવામાં આવ્યું છે આયોજન ? જૂઓ ઈટીવીનો વિશેષ અહેવાલ

જ્યારે રાજ્યના મહત્વના બે મોટા શહેરો સુરત, અમદાવાદમાં કોરોના સંક્રમણ વધુ છે ત્યારે જે વિસ્તારમાં સંક્રમણ વધારે છે તે કન્ટેન્મેન્ટ ઝોનમાં પરીક્ષાનું કેન્દ્ર નહીં ફાળવવામાં આવે તેમના માટે અલગથી વ્યવસ્થા પણ કરવામાં આવશે.

પરીક્ષા દરમિયાન વિદ્યાર્થીઓએ ફરજિયાત માસ્ક પહેરી રાખવું પડશે. આ સાથે જ પરીક્ષા કેન્દ્રમાં થર્મલ ઉપયોગ કરવામાં આવશે જો કોઈ વિદ્યાર્થીઓનું ટેમ્પરેચર જણાશે તો તેમના માટે અલગ રૂમની વ્યવસ્થા કરીને પણ પરીક્ષા યોજવામાં આવશે. 22 ઓગસ્ટથી 28 ઓગસ્ટ સુધી રાજ્યમાં બોર્ડની પૂરક પરીક્ષા યોજવાનું આયોજન રાજ્યના શિક્ષણ બોર્ડ દ્વારા કરવામાં આવ્યું છે.ગાંધીનગરથી પાર્થ જાનીનો ખાસ અહેવાલ