ઓખા-બેટ દ્વારકા વચ્ચે રૂપિયા 900 કરોડના ખર્ચે બની રહ્યો છે સિગ્નેચર બ્રિજ

રાજ્ય સરકાર યાત્રાધામ દ્વારકા સહિત અન્ય યાત્રાધામના વિકાસ માટે કરોડોના ખર્ચે વિકાસ કાર્યો કરી રહી છે. ઓખાથી બેટ દ્વારકા સુધી જવા માટે અત્યાર સુધી માત્ર એક ફેરી બોટ જ હતી, પરંતુ હવે ઓખા અને બેટ દ્વારકા વચ્ચે રૂ. 900 કરોડના ખર્ચે 4.5 કિલોમીટરન સિગ્નેચર બ્રિજનું નિર્માણ થઈ રહ્યું છે. વડાપ્રધાન નરેન્દ્ર મોદીએ આ બ્રિજને લીલીઝંડી પણ આપી દીધી છે.

• ઓખા અને બેટ દ્વારકા વચ્ચે રૂ. 900 કરોડના ખર્ચે બનશે સિગ્નેચર બ્રિજ
• દ્વારકા સુધીના 4.5 કિલોમીટરના આ બ્રિજનું કામ આવતા વર્ષે પૂર્ણ થશે
• બ્રિજની ઓખા બાજુની લંબાઈ 1066, બેટદ્વારકા બાજુની લંબાઈ 1180 મીટર રહેશે
• ઓખાથી બેટ દ્વારકા સુધી સમુદ્રમાં વીજ પૂરવઠો ન ખોરવા તે માટે 15 કેબલ નખાયા
• દરિયાઈ બ્રિજ ક્રેનથી બનાવાઈ રહ્યા છે, જેમાં 11 પિલર ઊભા કરવામાં આવશે

દેવભૂમિ દ્વારકાઃ દેશ અને વિદેશથી લોકો દ્વારકા યાત્રાધામના દર્શનાર્થે આવતા હોય છે. આ તમામ યાત્રાળુઓની સુવિધા માટે હવે ઓખાથી બેટ દ્વારકા સુધી સમુદ્રમાં દરિયાઈ બ્રિજ બની રહ્યો છે. અહીં નિર્માણ પામનારા સિગ્નેચર બ્રિજનું કામ હાલમાં પૂરજોશમાં ચાલી રહ્યું છે. આ બ્રિજમાં 11 પિલર રાખવામાં આવ્યા છે. વડાપ્રધાન નરેન્દ્ર મોદીએ વર્ષ 2017માં ઓખાથી બેટદ્વારકા સુધી સમુદ્રનો માર્ગ રસ્તા માર્ગે જોડવાની જાહેરાત કરી હતી. આ અનુસંધાને નેશનલ હાઈવે ઓથોરિટીએ હરિયાણાની ખાનગી કંપનીને કન્સ્ટ્રક્શન કંપનીને બ્રિજ બનાવવાનું કામ સોંપવામાં આવ્યું છે.

ઓખા અને બેટ દ્વારકા વચ્ચે રૂ. 900 કરોડના ખર્ચે બની રહ્યો છે સિગ્નેચર બ્રિજ

સિગ્નેચર બ્રિજની જાણી-અજાણી વાતો...

આ સિગ્નેચર બ્રિજ બનાવવા પાછળ 300 એન્જિનિયર લાગ્યા છે. આ બ્રિજમાં 200 મીટર લંબાઈના બે સ્પાન પણ બનશે. જ્યારે ઓખા બાજુની લંબાઈ 1066 મીટર રહેશે. બેટદ્વારકા બાજુની લંબાઈ 1180 મીટરની રહેશે. સિગ્નેચર બ્રિજ 27 મીટર પહોળો બનશે. તેમ જ આ બ્રિજમાં 2.5 મીટર પહોળા ફૂટપાથ પણ બનાવવામાં આવશે.

ઓખા અને બેટ દ્વારકા વચ્ચે રૂ. 900 કરોડના ખર્ચે બની રહ્યો છે સિગ્નેચર બ્રિજ

30 મહિનામાં બ્રિજનું કાર્ય પૂર્ણ થશે

આ બ્રિજનું કામ 30 મહિનામાં પૂર્ણ થશે તેવું હાલમાં જાણવા મળી રહ્યું છે. મહત્ત્વનું છે કે, બ્રિજ બનતા યાત્રિકો દિવસ દરમિયાન રાત્રિના પણ બેટ દ્વારકાથી અવરજવર કરી શકશે. વીજળી પહોંચાડી શકાય તે માટે ઓખાથી બેટ દ્વારકા સુધી સમુદ્રમાં 15 કેબલ નાંખવામાં આવ્યા છે. બોટના કારણે અનેક વખત કેબલ તૂટી જતા વીજ પૂરવઠો ખોરવાય છે, પરંતુ બ્રિજ બનતા સંભવત્ તેના પરથી કેબલ પસાર કરીને વીજળી પહોંચાડાશે.

ઓખા અને બેટ દ્વારકા વચ્ચે રૂ. 900 કરોડના ખર્ચે બની રહ્યો છે સિગ્નેચર બ્રિજ

બ્રિજ બન્યા પછી યાત્રાળુઓ તરત દર્શન કરી પરત ફરી શકશે

યાત્રિકો ફેરી બોટ સિવાય વાહન માર્ગે પણ જઈ શકશે. હાલમાં ઓખાથી બેટ દ્વારકા જવા માટે ફરજિયાત યાત્રિકોએ ફેરી બોટનો સહારો લેવો પડતો હતો. સિગ્નેચર બ્રિજ બનતા યાત્રિકો બ્રિજ વાટે વાહનમાં કરી શકશે અને દર્શન કરી તરત પરત ફરી શકશે. તેમ જ આકસ્મિક સંજોગોમાં તાત્કાલિક વાહન દ્વારા પહોંચી શકાશે. બ્રિજમાં 2.5 મીટર પહોળા ફૂટપાથ બનાવવામાં આવશે અને તેના પર શ્લોક લખવામાં આવશે. આ સાથે જ ભગવાન શ્રીકૃષ્ણના ફોટો પણ મૂકવામાં આવશે.

ઓખા અને બેટ દ્વારકા વચ્ચે રૂ. 900 કરોડના ખર્ચે બની રહ્યો છે સિગ્નેચર બ્રિજ