ગુજરાત

gujarat

ETV Bharat / state

ડાંગના માલગામ ઘાટ માર્ગમાં ટ્રીપલ અકસ્માત સર્જાયો - ટ્રાફિક જામ

ડાંગ જિલ્લાના સાપુતારાથી શામગહાનને સાંકળતા રાષ્ટ્રીય ધોરીમાર્ગના માલેગામ ઘાટમાર્ગમાં બે ટ્રક અને એક અશોક લેલેન્ડ ટેમ્પોનો એકસ્માત થયો હતો. એક જ સ્થળે ત્રણેય ટ્રક પલટી મારી જતા ઘટનાસ્થળે ત્રિપલ અકસ્માત સર્જાયો હતો.

ડાંગના માલગામ ઘાટમાર્ગમાં ત્રિપલ અકસ્માત થતા ત્રણે ટ્રક પલટી
ડાંગના માલગામ ઘાટમાર્ગમાં ત્રિપલ અકસ્માત થતા ત્રણે ટ્રક પલટી

By

Published : Dec 19, 2020, 8:29 AM IST

  • ડાંગના સાપુતારાથી શામગહાનને સાંકળતા હાઈ-વે પર ત્રિપલ અકસ્માત
  • બે ટ્રક અને એક અશોક લેલેન્ડનો ટેમ્પો એકબીજા સાથે અથડાયા
  • અકસ્માતમાં ત્રણેય ટ્રક ચાલક સહિત ક્લિનરનો આબાદ બચાવ થયો

ડાંગઃ આ અંગેની મળતી માહિતી મુજબ, મહારાષ્ટ્રના નાસિકના નારણગાવથી ડુંગળીનો જથ્થો ભરી અમદાવાદ તરફ જઈ રહેલી ટ્રક. નં. આર. જે. 09. જી. ડી. 0917 તથા જંબુસર તરફથી ખાલી કાચની બોટલોનો જથ્થો ભરી ડીંડોરી તરફ જઈ રહેલો અશોક લેલન્ડ ટેમ્પો.નં. જી. જે. 31. ટી. 8858 તથા કર્ણાટકના રાયચૂરથી ચોખાનો જથ્થો ભરી સુરત તરફ જઈ રહેલી ટ્રક. નં. કે. એ. 56. 0059 આ ત્રણેય વાહનો સાપુતારાથી શામગહાનને સાંકળતા રાષ્ટ્રીય ધોરીમાર્ગનાં ફોરેસ્ટ રેસ્ટ હાઉસ પાસેનાં વળાંકમાં એક જ સ્થળે એક પછી એક પલ્ટી મારી જતા ઘટના સ્થળે ટ્રિપલ અકસ્માત સર્જાયો હતો.

ડાંગના માલગામ ઘાટમાર્ગમાં ત્રિપલ અકસ્માત થતા ત્રણે ટ્રક પલટી

એક જ સ્થળે ત્રિપલ અકસ્માત
અહીં, એક જ સ્થળે એક પછી એક એમ ત્રણ વાહનો પલ્ટી મારી જતા અફરાતફરીનો માહોલ સર્જાયો હતો. આ ત્રિપલ અકસ્માતના બનાવમાં ડુંગળીનો જથ્થો, ખાલી કાચની બોટલનો જથ્થો તથા ચોખાના જથ્થાને જંગી નુકસાન થયું હતું. આ સાથે બંને ટ્રક સહિત ટેમ્પાને જંગી નુકસાન થયું હતું.

અકસ્માતના કારણે કલાકો સુધી ટ્રાફિક જામ
આ ત્રિપલ અકસ્માતના પગલે સાપુતારાથી શામગહાનને સાંકળતો રાષ્ટ્રીય ધોરીમાર્ગ ચોકઅપ થઈ જતા કલાકો સુધી ટ્રાફિકજામ સર્જાયો હતો. આ ટ્રિપલ અકસ્માતમાં ત્રણેય વાહનોના ચાલક સહિત ક્લિનરનો ચમત્કારિક બચાવ થયો છે. આ બનાવ સંદર્ભે સાપુતારા પોલીસની ટીમે અકસ્માતનો ગુનો નોંધી વધુ તપાસ હાથ ધરી છે.

ABOUT THE AUTHOR

...view details