વધઈમાં પ્રધાનમંત્રી કિસાન માનધન યોજના અંતર્ગત કાર્યક્રમ યોજાયો

ડાંગઃ કૃષિ વિજ્ઞાન કેન્દ્ર વધઈ ખાતે ડાંગના ખેડૂત મિત્રોના ખુશહાલ શાંતિમય જીવન માટે પ્રધાનમંત્રી કિસાન માનધન યોજના તેમજ તેમનામાં જનજાગૃતિની ભાવના કેળવાય તે માટે જળસંચય અને સ્વચ્છ ભારત અભિયાન કાર્યક્રમ તારિખ 12/9/2019 ના રોજ યોજાયો હતો. ભારતના વડાપ્રધાન નરેન્દ્રભાઈ મોદીએ ઝારખંડ રાજ્યથી જીવંત પ્રસારણ માધ્યમથી દેશના તમામ ખેડૂતોને પેન્શનનો લાભ મળે તે માટે પ્રધાનમંત્રી કિસાન માનધન યોજનાનું અનાવરણ કર્યું હતું. જે 60 વર્ષ પછીની ઉંમરના તમામ ખેડૂત મિત્રોના જીવન નિર્વાહ માટે લાભદાયી નીવડશે.

ડાંગમાં પ્રધાનમંત્રી કિસાન માનધન યોજના તેમજ તેમનામાં જનજાગૃતિની ભાવના કેળવાય તે માટે જળસંચય અને સ્વચ્છ ભારત અભિયાન કાર્યક્રમનું આયોજન કરવામાં આવ્યું હતું. આ કાર્યક્રમાં કૃષિ મહાવિઘાલય,વધઈના ર્ડા.જે.જે.પસ્તાગિયાએ મુખ્ય અતિથિપદે ઉપસ્થિત રહી જણાવ્યું હતું કે, ખેડૂતો કૃષિ શિક્ષણ થકી ખેતીનો વિકાસ કરી શકશે તેમજ પોતાની આવકમાં વધારો કરી શકે છે.

કૃષિ વિજ્ઞાન કેન્દ્ર વધઈ ખાતે પ્રધાનમંત્રી કિસાન માનધન યોજના અંતર્ગત કાર્યક્રમ યોજાયો

આ પ્રસંગે બેંક ઓફ બરોડાના લીડબેંક મેનેજરશ્રી રાજેન્દ્રભાઈએ પ્રધાનમંત્રી કિસાન માનધન યોજના વિશે વિસ્તૃત માહિતી આપી હતી.કે.વી.કે.ના વડા અને વરિષ્ઠ વૈજ્ઞાનિક ર્ડા.જી.જી.ચૌહાણે જળશક્તિ ઝૂંબેશ અને સ્વચ્છતા અભિયાન વિશે ખેડૂતોને માહિતગાર કર્યા હતા. ક્લસ્ટર મેનેજર આગાખાન સંસ્થા, કૃષિ વિજ્ઞાન કેન્દ્રના તજજ્ઞો ર્ડા.પ્રતિક જાવિયા, હર્ષદભાઈ પ્રજાપતિ, જીગ્નેશ ડોબરિયા, બીપીનચંદ્ર વાહુનિયા વિગેરેએ જળસંચય અને તેના ઉપયોગ, સ્વચ્છ ભારત મિશન, સજીવ ખેતી,મશરૂમનું ઉત્પાદન,જળ થકી જીવન,ડ્રિપ ઈરીગેશનની યોજનાઓ અને જમીન વયવસ્થાપન વિષયે માહિતી આપી હતી.

આ કાર્યક્રમમાં 110થી વધુ ખેડૂત ભાઈ-બહેનો ઉપસ્થિત રહી યોજનાકીય માહિતી મેળવી જળસંચય ઝૂંબેશ તથા સ્વચ્છતા માટે પ્રતિજ્ઞા લીધી હતી.