ડાંગઃ જિલ્લામાં 2010થી ભરતી થયેલા પ્રાથમિક શાળાના શિક્ષકોને 4200નો ગ્રેડ પે નહીં મળતા 25 સપ્ટેમ્બરથી 2 ઓક્ટોબર સુધી શોષિત શિક્ષણ સપ્તાહની ઉજવણી કરી વિરોધ કરવાનું નક્કી કર્યું છે. ત્યારે રવિવારના રોજ આ વિરોધને સોશિયલ મીડિયામાં ઉગ્ર સ્વરૂપ આપતા થમ્બ ડાઉન સેલ્ફી લઈ પોતાનો વિરોધ નોંધાવ્યો હતો.
ડાંગ જિલ્લાની પ્રાથમિક શાળાના શિક્ષકો કરી રહ્યા છે 4200 ગ્રેડ પે બાબતે ઉગ્ર વિરોધ
ડાંગ જિલ્લામાં 2010થી ભરતી થયેલા પ્રાથમિક શાળાના શિક્ષકોને 4200નો ગ્રેડ પે નહીં મળતા 25 સપ્ટેમ્બરથી 2 ઓક્ટોબર સુધી શોષિત શિક્ષણ સપ્તાહની ઉજવણી કરી વિરોધ કરવાનું નક્કી કર્યું છે. ત્યારે રવિવારના રોજ આ વિરોધને સોશિયલ મીડિયામાં ઉગ્ર સ્વરૂપ આપતા થમ્બ ડાઉન સેલ્ફી લઈ પોતાનો વિરોધ નોંધાવ્યો હતો.
શોષિત શિક્ષણ સપ્તાહ
પ્રાપ્ત વિગતો અનુસાર 2010 બાદ ભરતી થયેલી પ્રાથમિક શાળાના શિક્ષકોને 4200 રૂપિયાનો ગ્રેડ પે આપવામાં ન આવતા તેમને 25 સપ્ટેમ્બરથી 2 ઓક્ટોબર સુધી શોષિત શિક્ષણ સપ્તાહની ઉજવણી કરી વિરોધ કરવાનું નક્કી કર્યું છે. ત્યારે શનિવારના રોજ આ વિરોધને સોશિયલ મીડિયામાં ઉગ્ર સ્વરૂપ આપતા શિક્ષકોએ થમ્બ ડાઉન સેલ્ફી લઈ પોતાનો વિરોધ નોંધાવ્યો હતો. શોષિત શિક્ષક સપ્તાહની ઉજવણીનાં ભાગરૂપે ડાંગ જિલ્લાનાં તમામ પ્રાથમિક શિક્ષકો પોતાના પરિવાર સાથે 2 ઓક્ટોબર સુધી થંમ્બડાઉનસેલ્ફી(thumbdowonseflie) લઈ ઉગ્ર વિરોધ નોંધાવશે.
ડાંગના પ્રથમિક શાળાના શિક્ષકોએ જણાવ્યુ હતુ કે, તેમને 2 ઓક્ટોબર સુધી અલગ અલગ સર્જનાત્મક કાર્યક્રમો દ્વારા સરકાર સામે વિરોધ નોંધાવશે. તેમને 2 ઓકટોબરનાં રોજ તમામ પ્રાથમિક શાળાના શિક્ષકો અલગ અલગ જગ્યાએ સફાઈ કરી પ્રતિક ઉપવાસ કરી સરકાર પાસે 4200 ગ્રેડપેનાં પરિપત્રની માંગણી કરશે.