કુદરતી સૌંદર્યથી ભરપૂર ડાંગ જિલ્લામા, ચોમાસાની ઋતુમાં ચારેતરફ ફરિયાળી જોવા મળે છે. ધોધમાર વરસાદને પગલે ચારેતરફ સૌંદર્ય ખીલી ઉઠ્યું છે. વરસાદની રાહ જોઈ બેઠેલા ધરતીપુત્રોમાં પણ ખુશહાલી જોવા મળી રહી છે. ડાંગ જિલ્લામાં મોટાભાગના ખેડૂતો ડાંગર અને નાગલીની ખેતી કરે છે. ડાંગરનો પાક નિષ્ફળ ન જાય તેના માટે ખેડૂતો વરસાદની રાહ જોઇને બેઠાં હતાં. ડાંગ જિલ્લાના વઘઇ, સાપુતારા, અને સુબીર સહીતના ગ્રામ્યવિસ્તારોમાં ભારે વરસાદ ચાલું થતાં જિલ્લાની ચારેય લોકમાતાઓ પુરજોશમાં વહેતી થઈ હતી. નદીનાળા પણ પાણીથી છલકાઈ જવા પામ્યા હતા.
ડાંગ જિલ્લામાં ફરી ધોધમાર વરસાદ ચાલું, વઘઇ તાલુકામાં સૌથી વધુ વરસાદ