મોહન ડેલકરના સમર્થનમાં પ્રફૂલ પટેલના પૂતળાનું દહન, મહિલાઓ અને પોલીસ વચ્ચે ઘર્ષણ

કેન્દ્ર શાસિત દાદરા નગરહવેલીના સાંસદ મોહન ડેલકરે 22 ફેબ્રુઆરીના રોજ મુંબઈની એક હોટલમાં આત્મહત્યા કરી હતી. જેને લઇને તેમના સમર્થકો હવે ધીરેધીરે વિરોધના સુરમાં બહાર નીકળી રહ્યા છે. ત્યારે મહિલાઓ દ્વારા તેમના સમર્થનમાં પ્રફૂલ પટેલના પૂતળાનું દહન કરવા જતા મહિલાઓ અને પોલીસ વચ્ચે ઘર્ષણ સર્જાયું હતું.

• સાંસદ મોહન ડેલકરને આપવામાં આવી શ્રદ્ધાંજલિ
• મોહન ડેલકરના સમર્થનમાં પ્રફૂલ પટેલના પૂતળા દહનનો પ્રયાસ
• પ્રફૂલ પટેલના પૂતડા દહન મુદ્દે મહિલાઓ અને પોલીસ વચ્ચે ઘર્ષણ
  

  દમણ

દમણઃ સંઘપ્રદેશ દાદરા નગર હવેલીમાં સાંસદ મોહન ડેલકરના સમર્થકો હવે ધીરેધીરે વિરોધના સુરમાં બહાર નીકળી રહ્યા છે. સેલવાસમાં ઝંડા ચોક ખાતે મોટી સંખ્યામાં મહિલાઓએ ઉપસ્થિત રહી કેન્ડલ માર્ચથી મોહન ડેલકરને શ્રદ્ધાંજલિ અર્પી હતી. આ સમયે મહિલાઓએ પ્રશાસક પ્રફુલ પટેલ સામે વિરોધ નોંધાવવા તેમના પૂતળા દહનનું આયોજન કર્યું હતુ. જેની જાણકારી પોલીસને મળતા પોલીસ અને મહિલાઓ વચ્ચે ઘર્ષણ થયું હતું. પોલીસે પ્રફૂલ પટેલનું પૂતળાનું દહન અટકાવી ટોળાને વિખેર્યું હતુ.

• આ પણ વાંચો: દાદરા નગરહવેલીના સાંસદ મોહન ડેલકરની આત્મહત્યા મામલે CBI તપાસની માગ

મોહન ડેલકરને શ્રદ્ધાંજલિ આપાઇ

સેલવાસની મહિલાઓ દ્વારા સોમવારના રોજ દાદરા નગર હવેલીના સાંસદ સ્વ. મોહન ડેલકરને શ્રદ્ધાંજલિ કાર્યક્રમ રાખવામાં આવ્યો હતો. આ કાર્યક્રમમાં મોટી સંખ્યામાં મહિલાઓએ ઉપસ્થિત રહી કેન્ડલ માર્ચ યોજી ડેલકરને શ્રદ્ધાંજલિ અર્પી હતી. જે દરમિયાન મહિલાઓ દ્વારા પ્રફૂલ પટેલના પૂતળાનું દહન કરવાનો પ્રયાસ કર્યો હતો પરંતુ મહિલાઓ પૂતળાનું દહન કરે તે પહેલા પોલીસે પૂતળું ઝૂંટવી લેતા મામલો ગરમાયો હતો, પોલીસ અને મહિલાઓ વચ્ચે ઘર્ષણની સ્થિતિ ઉભી થઇ હતી.

• આ પણ વાંચો:મોહન ડેલકર આત્મહત્યા કેસઃ કોંગ્રેસે ડેલકર સમર્થકોને રોડ પર ઉતરવા આહ્વાન કર્યું