દાહોદઃ સુથારવાસા ગામમાંથી રદ્દ કરાયેલી રૂપિયા 500 અને 1000ની ચલણી નોટો સાથે એક ઈસમ ઝડપાયો

દાહોદ જિલ્લાના ઝાલોદ તાલુકામાં આવેલા સુથારવાસા ગામમાંથી LCBએ 500 અને 1000ની રદ્દ કરાયેલી ચલણી નોટો સાથે એક ઈસમને ઝડપી લીધો હતો. જ્યારે એક ઈસમને નાસી છૂટવામાં સફળતા મળી હતી. પોલીસે હાલ આ અંગે તપાસ હાથ ધરી નાસી છૂટેલા આરોપીને પકડવા ચક્રો ગતિમાન કર્યા છે.

દાહોદઃ જિલ્લાના ઝાલોદ તાલુકામાં આવેલા સુથારવાસા ગામમા દાહોદ જિલ્લા LCB પોલીસની ટીમે બાતમીના આધારે છાપો માર્યો હતો. જે દરમિયાન 1000 અને 500 રૂપિયાની રદ્દ કરવામાં આવેલી જૂની ચલણી નોટો સાથે એક ઈસમને LCB દ્વારા ઝડપી લેવામાં આવ્યો હતો. આ સાથે અન્ય એક ઇસમ ભાગી છૂટવામાં સફળ રહ્યો હતો. આ મામલે LCB પોલીસે ગુનો રજીસ્ટર કરીને કાયદેસરની તપાસ હાથ ધરી છે.

દાહોદ લોકલ ક્રાઈમ બ્રાંચની ટીમને બાતમી મળી હતી કે, ઝાલોદ તાલુકાના સુથારવાસા ગામના મુકેશ સુરસિંગ બારીયા નામના યુવક પાસે જૂની રદ્દ કરાયેલી 500 અને 1000 રૂપિયાની ચલણી નોટો છે. જૂની ચલણી નોટોની હેરાફેરીના રેકેટને પકડવા માટે LCBની ટીમે એક છટકું ગોઠવ્યું હતુ. જેના ભાગરુપે એક ડમી ગ્રાહક ઉભો કરી મુકેશનો સંપર્ક કરાવીને 16 લાખની જૂની નોટોના બદલામાં 9 લાખ રૂપિયાની નવી નોટો આપવાનું નક્કી કરવામાં આવ્યું હતું. આથી LCB પોલીસ ટીમે ડમી ગ્રાહક સાથે રહીને વોચ ગોઠવી હતી.

સુથારવાસા ગામમાંથી રદ્દ કરાયેલી 500 અને 1000ની ચલણી નોટો સાથે એક ઈસમ ઝડપાયો

ઝાલોદ તાલુકાના સુથારવાસા ગામે મુકેશ અને અન્ય ભરત નામના ઇસમ બાઇક પર 16 લાખ રૂપિયાની 500 અને 1000ની જૂની ચલણી નોટો લઈને આવતા LCB પોલીસ ટીમ ત્રાટકી હતી, પણ બાઈક પર બેઠેલો ભરત નામનો ઇસમ ભાગવામાં સફળ રહ્યો હતો. જ્યારે મુકેશ નામનો ઇસમ જૂની રદ્દ કરાયેલી નોટોના જથ્થા સાથે ઝડપાઈ ગયો હતો. આ મામલે પોલીસે કાયદેસરની કાર્યવાહી હાથ ધરી છે.

આ પણ વાંચો -ગોધરામાંથી મોટી માત્રામાં જૂની ચલણી નોટો ઝડપાઇ, પોલીસે કાર્યવાહી હાથ ધરી

28 જુલાઈ, 2020 - ગોધરાઃ શહેરના પશ્ચિમિ વિસ્તારમાંથી જૂની ચલણી નોટો ઝડપાઇ છે. જેમાં રૂપિયા 500 અને 1000ની નોટો સામેલ છે. SOG અને બી ડિવિઝન પોલીસે સંયુક્ત ઓપરેશન હાથ ધરી જૂની ચલણી નોટો ઝડપી પાડી હતી.