દાહોદઃ 74માં સ્વાતંત્ર પર્વની જિલ્લા કક્ષાની ઉજવણીના અગાઉના દિવસે પોલીસ પરેડ ગ્રાઉન્ડ ખાતે કલેક્ટર વિજય ખરાડીની અધ્યક્ષતામાં રિહર્સલ કરવામાં આવ્યું હતું. આ રિહર્સલ કાર્યક્રમમાં કલેક્ટર વિજય ખરાડીએ ધ્વજવંદન કર્યું હતું અને સલામી આપી હતી. આ સમયે જિલ્લા પોલીસ વડા હિતેશ જોયસર સહિત શિસ્તબદ્ધ ઉભેલા પોલીસકર્મીઓએ રાષ્ટ્રધ્વજને સલામી આપી હતી. આ રિહર્સલ કાર્યક્રમમાં નિવાસી અધિક કલેક્ટર એમ.જે.દવે સહિતના અધિકારીઓ, કર્મચારીઓ ઉપસ્થિત રહ્યાં હતા.
દાહોદઃ કલેક્ટર વિજય ખરાડીની અધ્યક્ષતામાં સ્વાતંત્ર દિનની ઉજવણીનું રિહર્સલ કરાયું - દાહોદમાં સ્વાતંત્ર દિનની ઉજવણીનું રિહર્સલ
74માં સ્વાતંત્ર પર્વની જિલ્લા કક્ષાની ઉજવણી શનિવારે પોલીસ પરેડ ગ્રાઉન્ડ દાહોદ ખાતે સવારે 9 વાગ્યે કરવામાં આવશે. જેમાં રાજયપ્રધાન બચુ ખાબડ ધ્વજવંદન કરશે. જેથી સ્વાતંત્ર દિનની ઉજવણી માટેની તમામ તૈયારીઓ પૂર્ણ કરી લેવામાં આવી છે. આ ઉજવણી માટે જિલ્લા કલેક્ટર વિજય ખરાડીના અધ્યક્ષ સ્થાને રિહર્સલ કરવામાં આવ્યું હતું.
કલેક્ટર વિજય ખરાડીની અધ્યક્ષતામાં સ્વાતંત્ર દિનની ઉજવણીનું રિહર્સલ કરાયું
કોરોના મહામારીને કારણે સ્વાતંત્ર દિનની ઉજવણી ખૂબ જ મર્યાદિત સંખ્યામાં કરવામાં આવશે, પરંતુ આ સમગ્ર કાર્યક્રમનું જિલ્લા માહિતી કચેરીના સોશિયલ મિડિયા પર સવારે 8.30 વાગ્યેથી જીવંત પ્રસારણ કરવામાં આવશે. આ જીવંત કાર્યક્રમ જોઇને નાગરિકો રાષ્ટ્રીય પર્વની ઉજવણીમાં સામેલ થઇ શકશે. આ પ્રસંગે રાજય પ્રધાન બચુ ખાબડ સંબોધન કરશે. આ કાર્યક્રમ દરમિયાન જિલ્લામાં ઉત્તમ કામગીરી કરનારા કોરોના વોરિયર્સ અને પ્રશંસનીય કામગીરી કરનારા કર્મચારીઓનું સમ્માન કરવામાં આવશે.