સેલવાસમાં શાળાના 10,700 બાળકોને મધ્યાહન ભોજનની કીટ વિતરણ કરાઈ - latest news of corona virus
લોકડાઉનમાં શાળાઓ બંધ છે, ત્યારે શાળાના બાળકોને અપાતું મધ્યાહન ભોજન તેમને કીટ રૂપે મળી રહે તે માટે સરકાર દ્વારા દેશના દરેક રાજ્યના શિક્ષણ વિભાગને આદેશ કરવામાં આવ્યો છે. જેના પગલે સેલવાસમાં શાળાના 10,700 જેટલા વિદ્યાર્થીઓને મધ્યાહન ભોજનના અનાજની કીટ વિતરણ કરવામાં આવી હતી.
સેલવાસમાં શાળાના 10,700 બાળકોને મધ્યાહન ભોજનની કીટ વિતરણ કરાઈ
સેલવાસ: દાદરા નગર હવેલી અને દમણ દીવના પ્રાથમિક શિક્ષણ વિભાગ દ્વારા શાળાના વિદ્યાર્થીઓને મધ્યાહન ભોજન કીટનું વિતરણ કરાયુ હતું. કુલ 59 હજાર બાળકોને પૌષ્ટિક આહાર કીટ વિતરણ કરવાની કામગીરી અંતર્ગત શુક્રવારે સેલવાસ નગરપાલિકાની ઝંડા ચોક હિન્દી મીડીયમ સ્કૂલમાં બાળકોના વાલીઓને સલામત અંતરે ઉભા રાખી અનાજની કીટ વિતરણની કામગીરી પૂર્ણ કરવામાં આવી હતી.