છોટાઉદેપુરની ઓરસંગ નદીમાં આવ્યા નવા નીર
છોટાઉદેપુર: જિલ્લામાં વરસાદ તેમજ મધ્યપ્રદેશમાં થઈ રહેલા વરસાદથી છોટાઉદેપુરમાંથી પસાર થતી ઓરસંગ નદીમાં ઘોડાપુર આવ્યા હતા. આ નદી પુરજોશમાં બે કાંઠે વહી રહી છે. છોટાઉદેપુર જિલ્લાની જીવાદોરી સમાન ઓરસંગ નદી બે કાંઠે વહેતા જિલ્લા વાસીઓમાં ખુંશીની લહેર જોવા મળી હતી. સાથે જ ઓરસંગ નદીની પૂજા કરતા લોકો જોવા મળ્યા હતા.
છોટાઉદેપુરની ઓરસંગ નદીમાં ઘોડાપુર આવ્યા, લોકોમાં ખુશીનો માહોલ
અત્રે ઉલ્લેખનીય છે કે, છોટાઉદેપુરમાં ઓરસંગ નદીમાં પાણી ન હોવાને લઇને સમસ્યા સર્જાઈ હતી. જેનો હવે અંત આવ્યો હતો. જેને લઈને લોકોમાં ખુશીનો માહોલ સર્જાયો હતો. આ ઓરસંગ નદી છોટાઉદેપુરની જીવાદોરી સમાન 150 કિમીના અંતરે વહેતી હોવાને લીધે ખેડૂતોમાં પણ ખુશીની લહેર જોવા મળી હતી.