બોટાદ જિલ્લા કોંગ્રેસ સમિતિ દ્વારા જન વેદના આંદોલનનો કાર્યક્રમનું આયોજન કરાયું હતો. આ કાર્યક્રમનો મુખ્ય ઉદ્દેશ ખેડૂતોને ન્યાય આપવા માટે તેમજ ખેડૂતોને અતિવૃષ્ટિના કારણે થયેલ નુકશાન અંગે વળતર મેળવવા માટે તેમજ પાક વીમો મેળવવા માટે અને બેરોજગાર યુવાનો છે તેને રોજગારી મળી રહે તેમજ વેપારીઓને ન્યાય મળી રહે તે માટે યોજવામાં આવ્યો હતો.
આ કાર્યક્રમમાં ગુજરાત કોંગ્રેસ સમિતિના પ્રદેશ પ્રમુખ અમીતભાઈ ચાવડા,ગઢડાના ધારાસભ્ય પ્રવિણભાઇ મારુ, ધંધૂકા મત વિસ્તારના ધારાસભ્ય રાજેશ ભાઈ ગોહિલ , ચોટીલાના ધારાસભ્ય તેમજ aiccના સભ્ય જીતેન્દ્ર બુધેલ હાજર રહ્યા હતા. તેઓએ જણાવેલ કે હાલની ભાજપ સરકાર તમામ કાર્યમાં નિષ્ફળ નીવડી છે. તેમજ તેઓને ખેડૂતો માટે સંવેદના નથી જ્યારે યુવાનો હાલમાં દિન-પ્રતિદિન બેરોજગાર થતા જાય છે. આ કાર્યક્રમમાં બોટાદ જિલ્લા કોંગ્રેસ સમિતિના હોદ્દેદારો તેમજ તાલુકા સમિતિના તમામ હોદ્દેદારો તથા નગરજનો મોટી સંખ્યામાં હાજર રહ્યા હતા. તેમજ કોંગ્રેસના તમામ કાર્યકરોએ પ્રદેશ પ્રમુખ અમિત ચાવડાની આગેવાનીમાં બોટાદ શહેરના રાજમાર્ગો પર રેલી કાઢી હતી.