રજવાડાઓની દેન એવાં ભાવનગર બંદરનો વિકાસ રૂંધાયો

ભાવનગરઃ શહેરના પૂર્વમાં આવેલા દરિયા કાંઠે જુના બંદરનો વિકાસ રજવાડાઓના અસ્તિત્વ દરમિયાન થયો હતો, પરંતુ કમનસીબે આઝાદી બાદ રજવાડાઓના વિલય પછી આ વિકાસ કાર્યોને સાચવવામાં તમામ સરકાર સદંતર નિષ્ફળ નીવડી છે. ત્યારબાદ સરકાર દ્વારા નવું બંદર વિકસાવવામાં આવ્યું હતુ. હાલ જીઈએમ દ્વારા અત્રે આવતી વસ્તુઓ પર 11 ટકા ટેક્સ વધારી દેવાતા તે પડી ભાંગે તેવી શક્યતાઓ છે.

હાલમાં ભાવનગરના બંદર પર બે-ત્રણ કંપનીઓ મીઠું, કોલસો અને લાઈમસ્ટોન જેવી વસ્તુઓ લાવીને બંદરને જીવંત રાખી રહી છે તો બીજીતરફ બંદરની જેટી જર્જરિત બની ગઈ છે. જ્યારે એક જેટી તો બંધ હાલતમાં છે. GMB દ્વારા ચીઝો પરના ટેક્સમાં વધારો કરતા ચેમ્બર ઓફ કોમર્સ દ્વારા માંગ કરવામાં આવી છે કે જેટીનું રીપેરીંગ નહિ થાય તો બંદર નાશ પામશે અને ભાવનગરની વિરાસત સંભારણામાં સમાઈ જશે.

ભાવનગર શહેરના ખારગેટ વિસ્તાર નજીક રહેલા દરિયાને કારણે રજવાડાએ જુના બંદરનો વિકાસ કર્યો હતો અને મરી-મશાલાથી લઈને દેશ-વિદેશથી આયાત અને નિકાસ થતી હતી. દેશની આઝાદી બાદ રજવાડાઓના વિલય અને સરકારોના ઉદયથી જુના બંદરની પડતી થવા લાગી હતી. સરકારે કહેવા ખાતર નવા બંદરની સ્થાપના કરી હતી, પરંતુ આજે તે પણ પતન થવાના આરે પહોંચી ગયુ છે. નવા બંદર પર બે ત્રણ કંપનીઓ લાઈમસ્ટોન, કોલસો અને મીઠું વગેરેની આયાત અને નિકાસ થઈ રહી છે. બંદરની વાર્ષિક 15 કરોડ જેવી આવકને પગલે જીએમહી વિકાસ કામ કરતી હોવાનું જણાવે છે. જો કે જેટી ગમે ત્યારે પડી ભાંગે તેવા અણસાર વર્તાઈ રહ્યાં છે. હાલ ચાલુ જેટીની સામે દક્ષિણમાં આવેલી બીજી જેટી છેલ્લા આઠ માસથી બંધ છે. જેનું રીપેરીંગ હવે થઈ રહેલી આવકમાંથી GMB કરશે તેવા બણગા ફૂકી રહી છે.

ભાવનગર નવા બંદર પર કોલસો મોટા પ્રમાણમાં આવી રહ્યો છે. તેમજ લાઈમસ્ટોન પણ નિરમાં જેવી કંપનીઓના કારણે આવી રહ્યો છે. આ બે-ચાર કંપનીઓ દરિયામાં આવેલા જહાજમાંથી રેકૉર્ડ બ્રેક 3.2 મીલીયન આયાત-નિકાસ કરવામાં આવી રહી છે. અહી આવતી વસ્તુઓ પરના ટેક્સમાં જીએમહીએ 11 ટકા જેવો વધારો કર્યો છે.

GMBએ જણાવ્યું છે કે આ વધારો નિમ્ન છે. જેની અસર ઉદ્યોગ પર નહી પડે. બાકીની સુવિધા વહેલી પૂરી પાડવામાં આવે તો તે સાર્થક થઈ ગણાય. હાલમાં કોલસો ખુલ્લામાં પડ્યો હોય છે. જેના માટે શેડ નથી. જો GMB આવક સામે જ જોયા કરશે તો જેટી પડી ભાંગશે અને ભાવનગરનું જાણીતી આ જેટી અને બંદર સંભારણું બની જાય તેમ છે.

ભાવનગરના વિકાસમાં હંમેશા સરકારે આંખ-મિચામણા કર્યા છે. ત્યારે બંદરના વિકાસની વાત હોઈ કે ઉદ્યોગની વાત હોઈ પણ સરકાર વાતુ કરી જાણે છે કે આપમે કામ કરવાના સમયે કોઈ દેખાતુ નથી. હવે ભાવનગરના નવા બંદરના બગડતા દિવસનો પગલે હવે ભાવનગરના નવા બંદરના બગડતા દિવસોને પગલે સરકાર જાગે છે કે બંદર પડી ભાંગે ત્યાં સુધી હાથ પર હાથ ધરી બેસી રહે છે તે તો જોવાનું રહ્યું.