જિલ્લા પંચાયત સિંચાઈ વિભાગ હેઠળ 355 ચેકડેમો આવેલા છે. જેમા 10 તાલુકાઓમાં અલગ-અલગ જગ્યાઓ પર આવેલા આ ચેકડેમો અતિ રમણીય અને સુંદર લાગી રહ્યા છે. જેનું કારણ છે કે, ચાલુ વર્ષે અતિ સારા વરસાદને લઇ તમામ તાલુકા મથકો પર 100 ટકા કે તેથી વધુ વરસાદ પડતા આ વિસ્તારના ચેકડેમો ભરાઇ ગયા હતા. ચેકડેમો ભરાઈ જતા તેનો ફાયદો ખેતી અને લોકોને પણ થઇ રહ્યો છે. પાણીના તળ ઊંચા આવી જતા પીવાના પાણીની સમસ્યા પણ સાવ હળવી બની છે તો ખેડૂતો પોતાના ખેતરોમાં રહેલા પાકને પાણી પાવા પાણીનો ઉપયોગ કરી રહ્યા છે. જિલ્લાના તમામ તાલુકાઓમાં ચેકડેમો અને તેની સ્થિતિ પર નજર કરીએ.
ભાવનગરમાં જિલ્લા પંચાયત સિંચાઈ વિભાગ હસ્તકના ચેકડેમો 80% થી વધુ ભરાયા જિલ્લા પંચાયત સિંચાઈ વિભાગ હેઠળના ચેકડેમો પૈકી 20 ટકા જેટલા ચેકડેમો જર્જરિત કે રીપેરીંગની માગ કરી રહ્યા છે. આ ચેકડેમો આ વર્ષના સારા વરસાદમાં પણ ભરાયા નથી ત્યારે સિંચાઈ વિભાગના અધિકારીઓ દ્વારા આ બાબતે ખાસ રીપોર્ટ તૈયાર કરી આવનારા સમયમાં આ જર્જરિત કે રીપેરીંગની જરૂરિયાત વાળા ચેકડેમોને દુરસ્ત કરી તેમાં પણ પાણી ભરાય અને વધુમાં વધુ પાણીનો સંગ્રહ કરી પાણીની સમસ્યાને હળવી બની શકાય તેવા પ્રયાસો હાથ ધરવામાં આવશે.
ચેકડેમોને લઇ જળસંચય સાથે સંકળાયેલા લોકોને આ બાબતે પૂછતાં તેઓ પણ રાજ્યસરકાર દ્વારા આ વર્ષે જે રીતે ચેકડેમો ઊંડા ઉતારવા સહિતની કામગીરી કરવામાં આવી છે તેની સરાહના કરી રહ્યા છે. સાથે સાથે જે ચેકડેમો જર્જરિત કે અતિ વરસાદના કારણે તૂટી ગયા છે તેને વહેલી તકે રીપેર કરવામાં આવે અને ચેકડેમો થકી રાજ્યમાં પાણીની સમસ્યાના નિવારણમાં સરકાર મહત્વના પગલા ભારે તે જરૂરી છે.
જળ એ જીવન છે. અને તેનો યોગ્ય ઉપયોગ અને તેની બચત કરવી ખૂબ જરૂરી છે. પાણીનો બિનજરૂરી પાણીનો વેડફાટ પણ ન થાય તેની તકેદારી રાખવામાં આવે તે જરૂરી છે.
