કોરોના મહામારી વચ્ચે ભાવનગર યુનિવર્સિટીની પરીક્ષાનો પ્રારંભ: ચાર તબક્કામાં પરીક્ષાઓ

ભાવનગર યુનિવર્સિટીએ ચાર તબક્કામાં પરીક્ષાઓ લેવાનું નક્કી કર્યું છે. જેના પ્રથમ તબક્કાનો સોમવારથી પ્રારંભ થયો છે. ભાવનગર શહેરમાં અને જિલ્લામાં મળી પ્રથમ તબક્કામાં 13 સેન્ટર પર 4523 વિદ્યાર્થી પરીક્ષા આપવાના છે. બીજો તબક્કો આગામી 25 તારીખથી શરૂ થશે. સોમવારના પ્રથમ તબક્કામાં ભાવનગરમાં કુલપતિ દ્વારા માસ્ક વિતરણ કરીને પરીક્ષાનો પ્રારંભ કરવામાં આવ્યો હતો.

ભાવનગર: ભાવનગર યુનિવર્સિટી દ્વારા કોરોના મહામારીમાં પ્રથમ પરીક્ષાનો પ્રારંભ કર્યો છે. ભાવનગર શહેર અને જિલ્લામાં લાંબા સમય બાદ અનુસ્નાતક પરીક્ષાના પ્રથમ તબક્કાની શરૂઆત કરવામાં આવી છે. ભાવનગરમાં કુલપતિ દ્વારા માસ્ક વિતરણ કરીને પરીક્ષાનો પ્રારંભ કરવામાં આવ્યો હતો. વિદ્યાર્થી કોરોના સંક્રમિત થાય તો સૌરાષ્ટ્ર યુનિવર્સીટીએ એક લાખ જેવી રકમની પણ જાહેરાત કરી છે.

ભાવનગર યુનિવર્સીટીની પરીક્ષાનો પ્રારંભ

ભાવનગર યુનિવર્સિટીની અનેક અસમંજસ પછી અંતે અનુસ્નાતક વર્ગના અભ્યાસક્રમના વિદ્યાર્થીઓની પરીક્ષાનો સોમવારથી પ્રારંભ થયો છે. ભાવનગર શહેરમાં સાત સેન્ટર પર પરીક્ષાઓ લેવામાં આવી રહી છે. જિલ્લામાં 6 સેન્ટર પર પરીક્ષાઓ લેવામાં આવી રહી છે. યુનિવર્સિટીના કુલપતિ ભાવનગરના નંદકુવરબા મહિલા કોલેજ સેન્ટર પર પહોંચ્યા હતા જ્યાં કુલપતિ માહિપતસિંહ ચાવડાઓએ વિદ્યાર્થીઓને માસ્ક મફતમાં વિતરણ કર્યું હતું.

ભાવનગર યુનિવર્સીટીની પરીક્ષાનો પ્રારંભ

કુલપતિએ જણાવ્યું હતું કે, જિલ્લામાં અને શહેરમાં મળીને 13 સેન્ટર પર પરીક્ષાઓ લેવામાં આવી રહી છે. પ્રથમ તબક્કો જેમાં 4523 વિદ્યાર્થીઓ પરીક્ષા આપશે તેમજ દરેક વર્ગમાં 15 થી વધુ વિદ્યાર્થીઓને બેસાડવામાં નહીં આવે. આ સાથે સૌરાષ્ટ્ર યુનિવર્સિટીએ વિદ્યાર્થી કોરોના સંક્રમિત થાય તો એક લાખ જેવી રકમની પણ જાહેરાત કરી છે. જેનો આગામી દિવસોમાં પરિસ્થિતિને આધીન નિર્ણય કરવામાં આવશે.

ભાવનગર યુનિવર્સીટીની પરીક્ષાનો પ્રારંભ

13 સેન્ટની કોલેજોમાં વિદ્યાર્થી માટે ખાસ કોલેજમાં વિદ્યાર્થીઓના આગમન થતા થર્મલ સ્ક્રીનીંગ, સેનીટાઇઝ અને બાદમાં માસ્ક આપીને પ્રવેશ આપવામાં આવી રહ્યો છે. કોલેજોમાં વિદ્યાર્થીના પ્રવેશ પહેલા વર્ગોને સેનીટાઇઝ કરવામાં આવે છે અને પરીક્ષા બાદ સેનીટાઇઝ કરવામાં આવશે.

ભાવનગર યુનિવર્સીટીની પરીક્ષાનો પ્રારંભ

સોમવારથી શરૂ થનારી પરીક્ષા એક દિવસમાં બે તબક્કામાં લેવામાં આવશે. એક સવારમાં અને બીજી બપોર બાદ લેવામાં આવશે. કોલેજો ડિસ્ટનસ સહિત કોરોનાને પગલે દરેક સાવચેત રહીને પરીક્ષાઓ પૂર્ણ કરાવશે તેમ કોલેજોના સંચાલકોનું કહેવું છે.

ભાવનગર યુનિવર્સીટીની પરીક્ષાનો પ્રારંભ

યુનિવર્સિટીએ શૈક્ષણિક કાર્ય ઠપ્પ ના થાય તેવા હેતુથી કોરોનાની સરકારની ગાઈડલાઈન મુજબ પ્રારંભ તો કર્યો છે, પણ વિદ્યાર્થીઓ વ્યવસ્થાને પગલે હાશકારો અનુભવી રહ્યા છે, કે પરીક્ષાઓ કોઈ પણ મુશ્કેલી વગર પૂર્ણ થાય.