માહિતી પ્રમાણે, ભાવનગર એસ.ઓ.જી. પોલીસે બાતમીના આધારે ભાવનગરના બોરતળાવ-કુમુદવાડી વિસ્તારમાં આવેલા આશીષરત્ન કોમ્પલેક્ષમાં ઉમા સેલ્સ એજન્સી નામની દુકાન ભાડે રાખી એક શખ્સ નકલી નોટો છાપવાનું કારખાનું ચલાવી રહ્યો છે. જે આધારે પોલીસે રેડ કરી આરોપી જીજ્ઞેશ ધીંગાણી (ઉ.વ.38)ને 2 હજાર, 500, 200 અને 100ના દરની નોટ મળી કુલ 56,800ના દરની નકલી ચલણી નોટો અને સ્ક્રેનર કમ પ્રિન્ટર જેની કિંમત 10 હજાર તેમજ કાતર જેવા સાધનો અને 2300 રોકડા રૂપીયા તથા 5 હજારનો એક મોબાઇલ ફોન મળી કુલ 17,320નો મુદ્દામાલ જપ્ત કર્યો હતો. હેડ કોન્સ્ટેબલ પ્રદિપસિંહ ગોહિલે ફરિયાદી વિરુદ્ધ પોલીસ સ્ટેશનમાં આ બાબતે ગુનો નોંધી વધુ તપાસ હાથ ધરી છે.
ભાવનગરમાં 56,800ની નકલી નોટો સાથે આરોપી ઝડપાયો