ભાવનગર સર ટી હોસ્પિટલ કોરોનાની ત્રીજી લહેર માટે સજ્જ

ભાવનગરની સર ટી હોસ્પિટલમાં ઓક્સિજન સ્ટોરેજ માટે કોઈ વ્યવસ્થા નહોતી. હવે કોરોનાની ત્રીજી લહેર પહેલા સર ટી હોસ્પિટલમાં ઓક્સિજન ઉત્પાદન થઈ શકશે. 60 મેટ્રિક ટનના બે પ્લાન્ટ નાખવાથી એક મિનિટમાં પ્લાન્ટમાં 2 હજાર લીટર ઓક્સિજન ઉત્પાદન થઈ શકશે.

• બીજી લહેર બાદ ઓક્સિજન માટે સર ટી હોસ્પિટલ સજ્જ
• 60 મેટ્રિક ટનના બે પ્લાન્ટ મળતા એક મિનિટએ ઉતપન્ન થશે 2 હજાર લિટર ઓક્સિજન
• ત્રીજી લહેરમાં ઓક્સિજનની ઉણપ નહિ થાય

ભાવનગર: કોરોનાની બીજી લહેરમાં લોકોને ઓક્સિજનની ભારે જરૂર પડી હતી અને તે સામે તંત્ર અને હોસ્પિટલોમાં પૂરતા જથ્થામાં ઓક્સિજન ન હોવાના કારણે લોકોને ભારે હાલાકીનો સામનો કરવો પડ્યો હતો. કોરોનાની બીજી લહેરમાં સર ટી હોસ્પિટલમાં બેડ ખૂટી પડ્યા હતા તો ખાનગી હોસ્પિટલો પણ ભરાઈ ગયા હતા. તજજ્ઞો દ્વરા ત્રીજી લહેરની પણ આગાહી કરવામાં આવી છે, જેને લઈને હોસ્પિટલ તંત્ર તૈયાર છે.

બીજી લહેરમાં ભારે મુશ્કેલી

હાલમાં સર ટી હોસ્પિટલમાં 30 હજાર લિટરનની બે ટેન્ક છે, જેમાં એક 10 લીટર અને બીજી 20 લિટરની છે. બીજી લહેરમાં 1000 બેડ હોવા છતાં ઓક્સિજનની અછત ઉભી થઇ હતી. બીજી લહેરમાં ઓક્સિજન ઘટવાથી મૃત્યુ પણ થયા હતા. કોરોનાની બીજી લહેરમાં લોકો સર ટી હોસ્પિટલના બદલે ઘરે દર્દીની સારવાર શરૂ કરી હતી.

આ પણ વાંચો : ઉપલેટામાં બાળકો માટે પણ Dialysis unit કરાયું શરૂ

દીનદયાળ પોર્ટ અંતર્ગત CSR પ્લાન્ટ નાખવામાં આવ્યા

દીનદયાળ પોર્ટ અંતર્ગત CSR હેઠળ બે ઓક્સિજન ઉત્પન્ન કરતા પ્લાન્ટ નાખવામાં આવ્યા છે. એક પ્લાન્ટ 60 મેટ્રિક ટનનો છે જેમાં દર મિનિટએ 1 હજાર લીટર ઓક્સિજન ઉત્પન્ન થશે તેવા બે 60 મેટ્રિક ટંનના નાખવામાં આવ્યા છે. એટલે બે હજાર લીટર ઓક્સિજન દર એક મિનિટે મળી શકશે. કેન્દ્રીય કેબિનેટ મંત્રી મનસુખ માંડવીયાના પ્રયાસે બે પ્લાન્ટ મળવા પાત્ર થયા છે. આગામી ત્રીજી લહેર આવે તો ઓક્સિજનની કમી હવે ઉભી નહિ થાય કે ઓક્સિજન ઘટવાને પગલે કોઈ અનિચ્છીય બનાવ નહિ બને.

આ પણ વાંચો : રાજકોટમાં સગર્ભાએ એસિડ પીધું, ગર્ભમાં રહેલ બે બાળકો સહિત ત્રણના મોત