જંબુસરના સારોદ ગામ નજીક આવેલી પી.આઈ. ઇન્ડસ્ટ્રીઝમાં એગ્રો પ્રોડકટનું ઉત્પાદન કરવામાં આવે છે. સોમવારે કંપનીના મચ ફિલ્ટર મશીનમાં પી.એન.પી નામના પ્રોડક્ટના ઇન્ટરમિડીએટની પ્રોસેસ ચાલી રહી હતી. જેમાં ફિલ્ટર મશીનના ક્લોથના પરના ભાગ નાઇટ્રોજન પ્રેસર અપાઈ રહ્યું હતું. તે દરમિયાન કોઈ કારણસર રાસાયણિક પ્રેસર વધી જતાં ફિલ્ટરમાં બ્લાસ્ટ થયો હતો. ત્યારે ફરજ બજાવતાં 14 કામદારો ગંભીર રીતે દાઝી ગયાં હતા. જેમને તાત્કાલિક સારવાર અર્થે જંબુસર રેફરલ હૉસ્પિટલ અને ત્યાંથી વધુ સારવાર માટે વડોદરા ખસેડવામાં આવ્યા હતા.
જંબુસરની PI ઇન્ડસ્ટ્રીઝમાં બ્લાસ્ટ, 4ના મોત