TMKOCની ટીમનાં નટુકાકા ઉર્ફે ઘનશ્યામ નાયક સ્વસ્થ થઈ અંબાજી પહોચ્યા

તારક મહેતા કા ઉલટા ચશ્માની ટીમનાં નટુકાકા એટલે કે ધનશ્યામ નાયક આજે યાત્રાધામ અંબાજી ખાતે પહોચ્યા હતાં. ઘનશ્યામ નાયક સ્વસ્થ થઈ અંબાજી પહોચ્યા હતા. તેઓ કેન્સર સામેની લડાઈ જીતી રવિવારે માતાજીના દર્શને પહોંય્યા હતા.

• ઘનશ્યામ નાયકે અંબાજી પહોંચી મા અંબાના દર્શન કર્યા
• કેન્સરની ગાંઠની સર્જરી બાદ અંબાજી આવ્યાં
• મંદિરના વહીવટદારની શુભેચ્છક મુલાકાત કરી

આ પણ વાંચોઃહાસ્ય કલાકાર ઘનશ્યામ નાયકને (નટુકાકા) ગળામાં ગાંઠનું સફળ ઓપરેશન કરાયું

બનાસકાંઠાઃ જિલ્લાના અંબાજી મંદિરે નટુકાકા ઉર્ફે ઘનશ્યામ નાયક કેન્સરની ગાંઠની સર્જરી બાદ પહોંચ્યા હતાં. તેમણે અંબાજી પહોચીને મા અંબાના દર્શને કર્યા હતા. સૌ પ્રથમ મંદિરના વહીવટદારની શુભેચ્છક મુલાકાત કરી હતી અને ત્યાર બાદ માં અંબાના દર્શને કર્યા હતા. પુજારી દ્વારા તેમને કુમકુમ તિલક કરવામાં આવ્યું હતું, ત્યારબાદ માતાજીની ચુંદડી ઓઢાડી આશીર્વાદ આપ્યા હતા. માતાજીની ગાદી ઉપર ભટ્ટજી મહારાજ પાસે રક્ષા પોટલી બંધાવી હતી.

આ પણ વાંચોઃ'તારક મહેતા કા ઉલ્ટા ચશ્મા' સિરિયલના નિર્માતા આસિત મોદીનો સંદેશઃ ઘરમાં જ રહીને બંદગી કરો

કોરોના સામે રક્ષણ આપતી રસી લેવા લોકોને અનુરોધ કર્યો

અંબાજી પહોંચેલા નટુકાકા ઉર્ફે ધનશ્યામ નાયકે જણાવ્યું હતુ કે, તેમને કેન્સરના રોગમાંથી મુક્તિ મળતા તેમણે રાખેલી માનતા પુરી કરવા રવિવારે અંબાજી દર્શને આવ્યા હતા. કોરોના કાળમાં નટુકાકાએ લોકોને કોરોનામાં ખાસ કાળજી રાખવા માટે જણાવ્યું હતું. તેમણે સરકાર દ્વારા જાહેર કરવામાં આવેલી ગાઇડલાઇન પ્રમાણે કોરોના સામે રક્ષણ આપતી રસી લેવા લોકોને અનુરોધ કર્યો હતો.