નાગરિકતા કાનૂન મામલે બનાસકાંઠા સહિત સમગ્ર દેશમાં મુસ્લિમ સમાજ દ્વારા વિરોધ પ્રદર્શન થઈ રહ્યા છે. જે અંતર્ગત બનાસકાંઠાના છાપી હાઇવે પર પણ ત્રણ દિવસ અગાઉ પરમીશન વગરની એક સભાનું આયોજન કરાયું હતું, જ્યાં પોલીસ બંદોબસ્તમાં હતી, જો કે તે સમયે ટોળાએ નેશનલ હાઇવે પર ચક્કાજામ કરતા બંદોબસ્તમાં રહેલી પોલીસે ટોળકીને વિખેરવાનો પ્રયાસ કર્યો હતો.
નાગરિકતા મુદ્દે કરવામાં આવેલ આંદોલનમાં પોલીસ પર હુમલો કરનાર 41 લોકોના રિમાન્ડ મંજૂર તે સમયે તોફાની ટોળાએ હિંસક બની પોલીસ વાન પર જ હુમલો કર્યો હતો અને પોલીસવાનને ઉથલાવી મારવાનો પ્રયાસ થયો હતો, જે મામલે છાપી પોલીસે આ હુમલાની ઘટના મામલે ત્રણ હજારના ટોળા સામે ફરિયાદ નોંધી હતી અને 22 વ્યક્તિઓ સામે નામજોગ ફરિયાદ નોંધતા જ આસપાસનાં વિસ્તારમાં પોલીસે કોમ્બીંગ હાથ ધર્યુ હતું.
100 જેટલા શકમંદ લોકોને વેરીફિકેશન માટે લવાયા હતા, જો કે, આ વેરીફિકેશનમાં 40 જેટલા લોકો સામે પુરાવાઓ મળતા તેમની ધરપકડ કરાઈ હતી અને બાદમાં 40 શખ્સોને કોર્ટમાં રજૂ કરી 10 દિવસના રિમાન્ડ મેળવી પોલીસે વધુ તપાસ હાથ ધરી છે.
