ડીસા નગરપાલિકા દ્વારા ડીસાના તમામ વોર્ડને સેનેટાઇઝ કરવાની પ્રક્રિયા હાથ ધરાઈ

સમગ્ર બનાસકાંઠા જિલ્લા સહિત ગુજરાતમાં જે પ્રમાણે કોરોનાવાઇરસના કેસમાં સતત વધારો થઈ રહ્યો છે તેને અટકાવવા માટે હવે નગરપાલિકાઓ આગળ આવી રહી છે. બુધવારે ડીસા નગરપાલિકા દ્વારા કોરોનાવાઇરસના કેસને અટકાવવા માટે ડીસા નગરપાલિકા હદ વિસ્તારના તમામ વિસ્તારોને સેનેટાઇઝ કરવાની પ્રક્રિયા હાથ ધરવામાં આવી હતી.

• ડીસામાં કોરોના વાઇરસના કેસમાં વધારો
• ડીસામાં રોજના 100થી પણ વધુ કોરોના પોઝિટિવ કેસ આવી રહ્યા છે સામે
• ડીસા નગરપાલિકા દ્વારા તમામ વિસ્તારોને સેનેટાઇઝ કરવામાં આવશે

ડિસા: હાલમાં સમગ્ર ગુજરાતમાં કોરોના વાઇરસ હાહાકાર મચાવી રહ્યો છે. સંક્રમણ વધતા સમગ્ર ગુજરાતમાં રોજના હજારોની સંખ્યામાં કોરોના પોઝિટિવ દર્દીઓ સામે આવી રહ્યા છે. રોજેરોજ વધતા જતા કોરોના પોઝિટિવ દર્દીઓના કારણે સમગ્ર ગુજરાતમાં પરિસ્થિતિ બેકાબૂ બની છે.વધતા જતા કેસને કારણે દર્દીઓને સારવાર આપવામાં મુશ્કેલી સામે આવી રહી છે. બનાસકાંઠા જિલ્લામાં પણ છેલ્લા દસ દિવસથી કોરોનાવાઇરસના કેસમાં સતત વધારો થઈ રહ્યો છે. વધતા જતા કોરોના વાઇરસના કેસના કારણે હાલમાં તમામ હોસ્પિટલો દર્દીઓથી ઉભરાઇ રહ્યા છે.

સંક્રમણ વધતા કેસમાં વધારો

બનાસકાંઠા જિલ્લામાં હાલ સૌથી વધુ કોરોના દર્દીઓની સંખ્યા ડીસા અને પાલનપુરમાં સામે આવી રહી છે જેના કારણે આ બે તાલુકાઓને હોસપોટ વિસ્તાર જાહેર કરવામાં આવ્યા છે. ચૂંટણી અને લગ્નની સિઝનમાં લોકોએ ખરીદી કરવા માટે કરેલી ભીડના કારણે હાલ પરિણામ ભયંકર જોવા મળી રહ્યું છે ખાસ કરીને લગ્નની સિઝન હોવાના કારણે બજારોમાં લોકોએ મોટી સંખ્યામાં ભીડ એકત્રિત કરી હતી જેના કારણે સતત કોરોના વાઇરસના કેસમાં વધારો થઈ રહ્યો છે. હાલમાં ડીસા શહેરમાં રોજના 100થી પણ કોરોના પોઝિટિવ દર્દીઓ સામે આવી રહ્યા છે. જેના કારણે સમગ્ર ડીસામાં ભયનો માહોલ જોવા મળી રહ્યો છે. સતત વધતા જતા કોરોના વાઇરસના કારણે ડીસા શહેરના તમામ વેપારીઓ ડીસા શહેરને બંધ કરવાની પણ ફરજ પડી હતી.

આ પણ વાંચો : 18 વર્ષથી વધુ ઉંમર ધરાવતા તમામ માટે વેક્સિન રજિસ્ટ્રેશન શરૂ

તમામ વિસ્તારને સેનેટાઇઝ કરવામાં આવશે

બનાસકાંઠા જિલ્લામાં દિવસેને દિવસે કોરોના કેસમાં સતત વધારો થઈ રહ્યો છે મોટાભાગના કોરોના શહેરી વિસ્તારોમાં જોવા મળી રહ્યા છે. ડીસા શહેરમાં સંક્રમણ વધતા કોરોના વાઇરસના કેસમાં સતત વધારો થઈ રહ્યો છે, જેના કારણે લોકોમાં પણ ભય ફેલાયો છે. હાલમાં જે પ્રમાણે કોરોના વાયરસના કેસમાં સતત વધારો થઈ રહ્યો છે તેના કારણે ડીસાની તમામ ખાનગી અને સરકારી હોસ્પિટલો કોરોના દર્દીઓથી ઊભરાઈ રહી છે. મોટા ભાગની તમામ હોસ્પિટલોમાં હાલ પરિસ્થિતિ બેકાબૂ બની છે જેના કારણે દર્દીઓને સારવાર પણ સમયસર નથી મળી રહી અને કોરોના દર્દીઓના મૃત્યુઆંકમાં પણ સતત વધારો થઈ રહ્યો છે. આ પરિસ્થિતિને અટકાવવા માટે હવે નગરપાલિકા દ્વારા કામગીરી શરૂ કરવામાં આવી છે ડીસા નગરપાલિકા દ્વારા હાલમાં ડીસાના તમામ વિસ્તારોને સેનેટાઇઝ કરવાની પ્રક્રિયા હાથ ધરવામાં આવી છે. ખાસ કરીને જે વિસ્તારમાં સૌથી વધુ કોરોના પોઝિટિવ દર્દીઓ સામે આવી રહ્યા છે તેને સૌથી પહેલાં સેનેટાઇઝ કરવામાં આવી રહી છે. અત્યાર સુધી ડીસા નગરપાલિકા દ્વારા મોટાભાગના તમામ વિસ્તારોને સેનેટાઇઝ કરી દેવામાં આવ્યા છે. એ સિવાય પણ રાત્રિના સમય દરમિયાન ડીસા નગરપાલિકા દ્વારા લોકોને સૌથી વધુ અવરજવર રહેતી હોય છે તેવા જાહેર માર્ગો પર રોજેરોજ સેનેટાઇઝ કરવામાં આવી રહ્યું છે જેના કારણે કોરોનાવાયરસના કેસમાં ઘટાડો કરી શકાય.