આ છે કાકવાડા પ્રાથમિક શાળાના બાળકોની સ્થિતી, આ શાળાના વિદ્યાર્થીઓને આજે પણ અભ્યાસ માટે નદીમાં 1 ફૂટ જેટલા પાણીમાં થઈને પસાર થવું પડે છે. કારણ કે, આ વિસ્તાર ગુજરાત રાજસ્થાન બોર્ડર પર આવેલા અમીરગઢ તાલુકાનો છે. અહીંના 7 જેટલા ગામોમાં અવર-જવર માટે એક માત્ર આ નદીનો માર્ગ હોવાથી કોઈ પણ કામકાજ અર્થે આવવું જવુ હોય તો, નદી તો પસાર કરવી જ પડે છે. જેમાં કાકવાડા, સોની, સોનાવડી, ચમનીયા, અને ગોવાવાડી સહિતના ગામો નદીના એક તરફ આવેલા છે. જ્યારે ગામના બાળકો અભ્યાસ માટે જાય છે, તે કાકવાડા પ્રાથમિક શાળા નદીના બીજી તરફ આવેલી છે. જેથી જ્યારે પણ બનાસ નદીમાં પાણી આવે ત્યારે છાત્રોએ નદી ઓળંગીને શાળામાં અભ્યાસ માટે જવું પડે છે.
અમીરગઢના વિદ્યાર્થીઓ જીવના જોખમે કરી રહ્યા છે અભ્યાસ...