બનાસકાંઠાઃ જિલ્લામાંથી ફરી એકવાર અફીણના રસ સાથે એક શખ્સની અટકાયત કરી હોવાની ઘટના સામે આવી છે. ભાભર પોલીસ વાહન ચેકિંગમાં હતી તે દરમિયાન સુઈગામ સર્કલ પાસેથી પુરપાટ ઝડપે આવી રહેલી એક ખાનગી કાર શંકાસ્પદ જણાતા તેને રોકાવાની કોશિશ કરી હતી, પરંતુ કાર ચાલક પોલીસને જોઇને ત્યાંથી નાસી છૂટયો હતો.
બનાસકાંઠા જિલ્લાના સુઈગામ બોર્ડર પરથી અફીણ ઝડપાયું
પોલીસે તેનો ફિલ્મી ઢબે પીછો કરી કાર ચાલકને આંતરીને ઝડપી પાડયો હતો અને કારની તપાસ કરતા તેમાંથી 2.200 કિલોગ્રામ અફીણનો રસ મળી આવ્યો હતો. પોલીસે અફીણના રસ સાથે કારચાલકની અટકાયત કરી હતી. જ્યારે 3 મોબાઈલ, અફીણનો રસ સહિત કુલ 4 લાખનો મુદ્દામાલ જપ્ત કરી વધુ કાર્યવાહી હાથ ધરી છે.