Elevated bridge: ડીસા ખાતે બનેલા એલિવેટેડ બ્રિજ મુદ્દે વધુ એક ફરિયાદ

ગુજરાતના સૌથી મોટા એલિવેટેડ બ્રિજ (elevated bridge)બનાવનાર કન્સ્ટ્રકશન કંપનીના માલીકને તંત્ર દ્વારા નોટિસ ફટકારવામાં આવી છે. કોઈપણ જાતની પરવાનગી લીધા વગર સરકારી જમીનનો કાટમાળ રાખવા માટે ગેરકાયદેસર રીતે ઉપયોગ કરવા મામલે થયેલી ફરિયાદ ને પગલે નાયબ કલેકટરે 66 લાખ રૂપિયાનો દંડ ભરવા માટેની નોટીસ ફટકારી છે પરંતુ હજુ સુધી રચના કટ્રક્શન દ્વારા પૈસા ન ભરવામાં આવતા હાલ અનેક વિવાદો જોવા મળી રહ્યા છે.

• ડીસામાં વર્ષોથી ચાલી આવતી ટ્રાફિક સમસ્યાનો નિકાલ
• કરોડોના ખર્ચે ડીસા શહેરમાં ગુજરાતનો નંબર-1 બ્રિજ બનાવાયો
• બ્રિજના કામકાજ દરમિયાન સરકારી જમીનનો ઉપયોગ કરતા 66 લાખનો દંડ
• દંડ ન ભરતા ડીસાના સ્થાનિક જાગૃત નાગરિકે નોંધાવી ફરિયાદ
• ડીસા ખાતે ગુજરાતનો સૌથી લાંબો એલિવેટેડ બ્રિજ (elevated bridge)બનાવવામાં આવ્યો

બનાસકાંઠા: ડીસા શહેરને આમ તો વર્ષોથી વ્યાપારી મથક માનવામાં આવે છે. જેને લઇ બનાસકાંઠા જિલ્લા સહિત રાજસ્થાનમાંથી મોટી સંખ્યામાં લોકો ખરીદી કરવા માટે ડીસા શહેરમાં આવે છે. સતત લોકોની અવર-જવર રહેતા દિવસ ભર ડીસા શહેરમાં મોટી સંખ્યામાં વાહનોની અવર-જવર થતી હતી. જેથી ડીસાના હાઈવે વિસ્તાર પર રોજેરોજ કલાકો સુધી ચક્કાજામ સર્જાતું હતું. અને આ ટ્રાફિકમાં વાહન ચાલકોએ કલાકો સુધી ફસાઈને રહેવું પડતું હતું તેના કારણે લોકો ભારે હાલાકી ભોગવી રહ્યા હતા આ ટ્રાફિકની સમસ્યાથી છુટકારો મેળવવા માટે સ્થાનિક લોકોએ ગુજરાત સરકાર અને કેન્દ્ર સરકારમાં અનેકવાર ઔર ભેજ માટે રજૂઆત કરી હતી જેથી લોકોની રજૂઆતને ધ્યાને લઈને કેન્દ્ર સરકાર દ્વારા કરોડો રૂપિયાના ખર્ચે ડીસા શહેરમાં ઓવરબ્રિજ બનાવવામાં આવ્યો છે.

આ પણ વાંચો: Accident In Deesa : Elevated bridge પર ટ્રેલરે Laborersને અડફેટે લેતા 1નું મોત, 5 ઇજાગ્રસ્ત

ડીસા ઓવરબ્રિજ વિવાદ

બનાસકાંઠાના ડીસા ખાતે ગુજરાતનો સૌથી લાંબો એલિવેટેડ બ્રિજ બનાવવામાં આવ્યો છે. આ બ્રિજના કામકાજ દરમિયાન નીકળેલા કાટમાળને ટી સી ડી ગ્રાઉન્ડ પાસે આવેલા સરકારી જમીનમાં નાખવામાં આવ્યો હતો. જોકે સરકારી જમીનના ઉપયોગ માટે આ કન્સ્ટ્રકશન કંપનીના સંચાલક દ્વારા કોઈપણ જાતની પરવાનગી લેવામાં આવી ન હતી અને ગેરકાયદેસર રીતે આ કાટમાળ સરકારી જમીનમાં નાખવામાં આવ્યો હતો. જે મામલે ડીસાના જાગૃત નાગરિક કમલેશ ભાઈ ઠક્કર દ્વારા મામલતદાર કચેરીએ ફરિયાદ કરવામાં આવી હતી.

રચના કંપનીને 66 લાખ રૂપિયા ભરવા માટેની નોટિસ

જે ફરિયાદના આધારે તપાસ કરતાં રચના કન્સ્ટ્રક્શન કંપનીને નાયબ કલેક્ટર દ્વારા નોટિસ ફટકારવામાં આવી હતી અને સરકારી જમીનનો ગેરકાયદેસર રીતે ઉપયોગ કરવા બદલ 66 લાખ રૂપિયાનો દંડ ભરવા માટેની નોટિસ ફટકારી હતી. નોટીસ આપ્યાના 8 મહિના જેટલો સમય વિતવા છતાં પણ હજુ સુધી કન્સ્ટ્રકશન કંપનીના સંચાલક દ્વારા દંડ ભરપાઈ કરવામાં આવ્યો નથી. જેથી હવે નાયબ કલેક્ટરે રચના કન્સ્ટ્રક્શન કંપની પાસેથી દંડ વસૂલવા માટે નેશનલ હાઈવે ઓથોરીટીને લેખિત જાણ કરવામાં આવી છે. ઉલ્લેખનીય છે કે, વારંવાર રજૂઆત કરવા છતાં કંપનીના સંચાલક દ્વારા દંડ ભરપાઈ કર્યો નથી, ત્યારે હવે આ રચના કંસ્ટ્રક્શન કંપની સામે કડક કાર્યવાહી કરવામાં નહીં આવે તો વધારે હાઇકોર્ટના શરણે જવાની ચીમકી ઉચ્ચારી છે.

આ પણ વાંચો: ડીસામાં કરોડો રૂપિયાના ખર્ચે બનેલો Elevated bridge શરૂ : વર્ષોની ટ્રાફિક સમસ્યા થશે દૂર

ઓવરબ્રિજમાં અનેક વિવાદ

ઉત્તર ગુજરાતનો સૌથી મોટો એલિવેટેડ બ્રિજ ડીસામાં બન્યો છે. જ્યારથી ડીસામાં આ બ્રિજનું કામ શરૂ થઈ છે, ત્યારથી એક બાદ એક અનેક વિવાદો આ બ્રિજને લઈ સામે આવી રહ્યા છે. શરૂઆતમાં બ્રિજના આજુ-બાજુ આવેલા રસ્તા બાબતે વિવાદ સર્જાયો હતો. જે બાદ બ્રિજ બનાવવાની શરૂઆત થતાની સાથે જ બ્રિજના કામમાં ભ્રષ્ટાચાર બાબતે અનેકવાર વિવાદો સર્જાય છે, ત્યારે ચોક્કસથી કહી શકાય કે આ બ્રિજ હજુ તો શરૂ થયો નથી અને તેને લઈ હાલમાં અનેક વિવાદો સામે આવી રહ્યા છે.