પાલનપુર પાલિકાની ચૂંટણીમાં ભાજપ અને કોંગ્રેસે જાહેર કરી ઉમેદવારોની યાદી - આમ આદમી પાર્ટી

પાલનપુર નગરપાલિકાની ચૂંટણી 28 ફેબ્રુઆરીએ યોજાશે. ફોર્મ ભરવાના અંતિમ દિવસ સુધીમાં કુલ 200 જેટલાં ફોર્મ ભરાયા હતા. જેમાં અંતિમ દિવસે ભાજપ, કોંગ્રેસ, આપ તેમજ અપક્ષ સહિત અંદાજીત 95 વ્યક્તિઓએ ફોર્મ ભર્યા હતાં.

પાલનપુર પાલિકાની ચૂંટણીમાં ભાજપ અને કોંગ્રેસે જાહેર કરી ઉમેદવારોની યાદી

Published : Feb 14, 2021, 8:57 AM IST

કોંગ્રેસે લઘુમતી વિસ્તારોમાં નબળાં ઉમેદવારોને આપી ટિકિટ
વોર્ડ નમ્બર 4માં સતત સાત ટર્મથી ચૂંટાતા ઇબ્રાહિમભાઈ મલિકની કપાઇ ટિકિટ
જુના નગરસેવકોને કાપી તેમના પુત્રો તેમજ પત્નીઓને અપાઈ ટિકિટ
કોંગ્રેસમાંથી આવેલા લોકોને પણ સીધી જ અપાઈ ટિકિટ

બનાસકાંઠા: પાલનપુર નગરપાલિકાની ચૂંટણી 28 ફેબ્રુઆરીએ યોજાશે. ત્યારે ચૂંટણી ફોર્મ ભરવાના અંતિમ દિવસે 95 વ્યક્તિઓએ ફોર્મ ભર્યા હતાં. જેથી ચૂંટણી ફોર્મ ભરવાના અંતિમ દિવસ સુધીમાં કુલ 200 જેટલાં ફોર્મ ભરાયા હતા. જેમાં અંતિમ દિવસે ભાજપ, કોંગ્રેસ, આપ તેમજ અપક્ષ સહિત અંદાજીત 95 વ્યક્તિઓએ ફોર્મ ભર્યા હતાં. જેમાં ભાજપ કોંગ્રેસે પોતાના મેન્ડેટની યાદી સીધી જ ચૂંટણી અધિકારીને સોંપીને મોડી સાંજે બંન્ને પક્ષોએ પોતાના ઉમેદવારોની યાદી જાહેર કરી હતી.

ભાજપ કોંગ્રેસનો આંતરિક વિખવાદ ચરમસપાટીએ

પાલનપુર નગરપાલિકામાં ભાજપ કોંગ્રેસના આંતરિક કકળાટ વચ્ચે 200 જેટલાં લોકોએ ઉમેદવારી ફોર્મ ભર્યાં છે.જેમાં ભાજપ અને કોંગ્રેસે પોત પોતાના ઉમેદવારોના મેન્ડેટ સીધાં જ ચૂંટણી અધિકારીને આપી દીધા છે. કોંગ્રેસે પોતાની સત્તાવાર યાદી જાહેર કરી દીધી હતી. જેમાં પૂર્વ પાલિકા પ્રમુખ અને સાત વખતથી ચૂંટાતાં નગરસેવક ઇબ્રાહિમભાઈ મલિકની ટિકિટ કપાઈ હતી. બીજી તરફ ભાજપે સત્તાવાર યાદી જાહેર કરતાં આ યાદીમાં પણ કેટલાક જુના નગરસેવકોનું પત્તુ કપાયેલું જાણવા મળ્યું હતું.

પાલનપુર પાલિકાની ચૂંટણીમાં ભાજપ અને કોંગ્રેસે જાહેર કરી ઉમેદવારોની યાદી

અમરતભાઈ જોશીની ટિકિટ કાપીને તેમના પુત્રને ભાજપે ટિકિટ આપી

ભાજપમાંથી ટિકિટ નહિ મળતાં બે વખતથી નગરસેવક રહેલા ભારતીબેન અને તેમનાં પતિ ભરતભાઈ ઠાકોરે વોર્ડ નંબર 6 અને 7 માંથી આમ આદમી પાર્ટીના પક્ષમાંથી ઉમેદવારી નોંધાવી હતી. તેમજ વોર્ડ નંબર-8 માંથી BJP ના પૂર્વ શહેર પ્રમુખ ભરતભાઇ પટેલે આપમાંથી ફોર્મ ભર્યું હતું. તેમજ સતત પાંચ ટર્મથી નગરસેવક એવા અમરતભાઈ જોશી (દાઢી)ની ટિકિટ કાપીને તેમના પુત્રને ભાજપે ટિકિટ આપી હતી. તો પાલિકા પ્રમુખ અશોક ઠાકોરના સ્થાને તેમના પુત્રને તેમજ વોર્ડ નંબર-1 માં પણ ચાર ટર્મના નગરસેવક શાંતિભાઈ પઢીયારને બદલે તેમના પુત્ર આશિષને BJPએ ટિકિટ આપી હતી.

11 વોર્ડની 44 બેઠકો માટે ગઈકાલે શનિવારે અંતિમ દિવસે 95 જેટલાં ફોર્મ ભરાયા

11 વોર્ડની 44 બેઠકો માટે ગઈકાલે શનિવારે અંતિમ દિવસે 95 જેટલાં ફોર્મ ભરાતાં કુલ 200 જેટલાં ચૂંટણી ફોર્મ ભરાઈ ચૂક્યાં હતા. ગઈકાલે અંતિમ દિવસે વોર્ડ નંબર 1 થી 6માં 54 ફોર્મ અને 6 થી 11માં પણ 40 ફોર્મ ભરાયાં હતા. જેમાં ગઈકાલે શનિવારે ફોર્મ ભરવા સવારથી બપોરના ત્રણ સુધી ભાજપ-કોંગ્રેસે મોટી સંખ્યામાં ઉમેદવારો ઉમટી પડ્યાં હતાં. કોંગ્રેસે ચાર વાગ્યા બાદ પોતાની યાદી જાહેર કરી દીધી. જેના એક કલાક બાદ ભાજપે પણ પોતાની સત્તાવાર યાદી જાહેર કરી હતી. ફોર્મ ભરવાની અંતિમ ઘડી સુધી બંન્ને પક્ષોમાં વિખવાદ ચાલતાં આ વખતે આમ આદમી પાર્ટી માંથી અનેક લોકોએ દાવેદારી કરી હતી. તેથી પાલનપુર પાલિકાની ચૂંટણી આ વખતે ભારે રસાકસી ભરી રહેવાની સંભાવના છે. ત્યારે ભાજપ અને કોંગ્રેસમાં ઉમેદવારોએ પોત પોતાના પક્ષના જીતના દાવા કર્યા હતા.

ભાજપ-કોંગ્રેસના ઉમેદવારોની યાદી

બીજેપીવોર્ડ નંબર-1