ડીસા તાલુકાના જેરડા ગામે વિદ્યાર્થીઓ પર હુમલો

ડીસા: તાલુકાના ઝેરડા ગામના યુવાનો પર થયેલા હુમલાને લઇ વડગામના ધારાસભ્ય જિજ્ઞેશ મેવાણી પહોંચ્યા હતા અને યુવાનો પર હુમલો કરનારા શખ્સોને આગામી 48 કલાકમાં અટકાયત કરવાની ચીમકી આપી હતી.

વડગામના ધારાસભ્ય જિજ્ઞેશ મેવાણીએ મંગળવારના રોજ ડીસામાં પહોંચી પોલીસ તંત્રને 48 કલાકનું અલ્ટીમેટમ આપ્યું છે. જિજ્ઞેશે જણાવ્યું હતું કે, તાજેતરમાં ખેડા ખાતે થયેલા બે યુવાનો પર હુમલા બાદ આરોપીઓને આગામી ૪૮ કલાકમાં ઝડપી પાડવામાં નહીં આવે તો જિજ્ઞેશ મેવાણી ફરી રસ્તા પર ઉતરી આવી સરકાર સામે આંદોલન છે, તેવી ચીમકી ઉચ્ચારી છે. મંગળવારના રોજ ડીસા પહોંચેલા જિજ્ઞેશ મેવાણીએ હુમલાની ઘટનાને સરકારની મોટી નિષ્ફળતા દર્શાવી હતી.

આ સમગ્ર ઘટના પર નજર કરીએ તો ડીસા તાલુકાના ખેડા ગામ માં રહેતો મુકેશ સોલંકી નામનો યુવાન ખુરશી પર બેઠો હતો, જે દરમિયાન ચાર શખ્સોએ મુકેશ તેમની સામે ખુરશી પર કેમ બેઠો છે અને ઢોર માર માર્યો હતો અને તે દરમિયાન અહીંથી પસાર થઇ રહેલો સહદેવ નામનો અન્ય યુવક મુકેશને બચાવવા જતા આ શખ્સોએ સહદેવને પણ ઢોર માર માર્યો હતો, ગંભીર રીતે ઘાયલ બંને યુવકોને સારવાર અર્થે ડીસાની સરકારી હોસ્પિટલમાં ખસેડવામાં આવ્યા હતા, આ ઘટના અંગે ભોગ બનનાર યુવાને જેડા ગામના વિજુભાઈ, વનરાજસિંહ અને હુંરાજસિંહ સામે પોલીસ ફરિયાદ નોંધાવી છે. પોલીસને સંપર્ક કરતા પોલીસે કોઇ પણ કહેવા અસમર્થ હોવાનું જણાવ્યું હતું.