ડીસામાં EVM રૂમની પહેરેદારી કરી રહ્યા છે AAP ઉમેદવારો

બનાસકાંઠા જિલ્લાના ડીસામાં EVMમાં કોઈપણ પ્રકારની છેડછાડ ન થાય અને અદલાબદલી ન થાય તે માટે રવિવારે યોજાયેલી સ્થાનિક સ્વરાજની ચૂંટણી બાદ આમ આદમી પાર્ટીના કાર્યકરો EVM સ્ટ્રોંગ રૂમ સામે ચોકી કરી રહ્યા છે. મંગળવારે મતગણતરી શરૂ થયા ત્યાં સુધી આમ આદમી પાર્ટીના ઉમેદવારો વારાફરતી સ્ટ્રોંગ રૂમ આગળ પહેરેદારી કરી રહ્યા છે.

• બનાસકાંઠા જિલ્લામાં નગરપાલિકાની ચૂંટણીઓ યોજાઈ
• આમ આદમી પાર્ટીના કાર્યકર્તાઓનો EVM આગળ પહેરો
• મતગણતરી શરૂ ન થાય ત્યાં સુધી આપના કાર્યકર્તાઓનો રહેશે પહેરો

બનાસકાંઠા : જિલ્લામાં રવિવારના રોજ 3 નગરપાલિકાની ચૂંટણીઓ પૂર્ણ કરવામાં આવી છે. ત્યારે ડીસા શહેરમાં નગરપાલિકાની ચૂંટણીનું 60 ટકા જેટલું મતદાન થયું છે. સવારથી જ નગરપાલિકાની ચૂંટણીને લઈ દરેક પક્ષના ઉમેદવારો અને મતદારોમાં ઉત્સાહ જોવા મળી રહ્યો હતો. જેને લઇને સાંજ સુધીમાં ડીસા નગરપાલિકાના 11 વૉર્ડની ચૂંટણીમાં 60 ટકા જેટલું મતદાન થયું હતું. જે મતદાન મેગા સિટી મતદાન કરતા પણ વધારે હતું. ત્યારે ચોક્કસથી કહી શકાય કે, ડીસામાં યોજાયેલી નગરપાલિકાની ચૂંટણીમાં ઉમેદવારોએ ઉત્સાહભેર મતદાનનો અધિકાર નિભાવ્યો હતો. ડીસાના તમામ 11 વૉર્ડમાં સાંજે 6 કલાક સુધીમાં લોકોએ ઉત્સાહભેર મતદાન કર્યું હતું અને મતદાન પૂર્ણ થતાની સાથે જ ચૂંટણી અધિકારીઓ દ્વારા તમામ EVMને સીલ કરી ડીસાની એસીડબલ્યુ સ્કૂલ ખાતે સ્ટ્રોંગ રૂમમાં મૂકવામાં આવ્યા હતા. જ્યાં ચુસ્ત પોલીસ બંદોબસ્ત પણ ગોઠવી દેવામાં આવ્યો છે.

આમ આદમી પાર્ટીના કાર્યકર્તાઓનો EVM આગળ પહેરો

બનાસકાંઠા જિલ્લામાં રવિવારે ડીસા-પાલનપુર અને પાપડ નગરપાલિકાની ચૂંટણીઓ શાંતિપૂર્ણ માહોલમાં સંપન્ન થઈ છે. ચૂંટણી બાદ તમામ EVMને સ્ટ્રોંગ રૂમમાં પોલીસ જવાનોની કડક સુરક્ષા વચ્ચે રાખવામાં આવ્યા છે. તેમ છતાં પણ આમ આદમી પાર્ટીના ઉમેદવારોને શંકા છે કે, શાસક પક્ષ દ્વારા EVMમાં છેડછાડ કરવામાં આવે છે અને તેમની બદલી કરવામાં આવે છે. જેથી આમ આદમી પાર્ટીના કાર્યકર્તાઓ ચૂંટણી બાદ તરત જ સ્ટ્રોંગ રૂમ આગળ EVMની પહેરેદારી કરી રહ્યા છે. ડીસાની એસીડબલ્યુ હાઇસ્કુલમાં આવેલા સ્ટ્રોંગ રૂમમાં આ તમામ EVM રાખવામાં આવ્યા છે અને ચુસ્ત પોલીસ બંદોબસ્ત પણ ગોઠવવામાં આવ્યો છે. તેમ છતાં પણ આમ આદમી પાર્ટીના કાર્યકર્તાઓને શંકાના કારણે અહીં સોંગ રૂમ આગળ બેસી ગયા છે. મંગળવારે મતગણતરી શરૂ થાય ત્યાં સુધી આમ આદમી પાર્ટીના તમામ ઉમેદવારો વારાફરતી પહેરેદારી કરશે.

ડીસામાં EVM રૂમની પહેરો કરી રહ્યા છે AAP ઉમેદવારો